ప్రపంచాన్ని ప్రభావితం చేసి దేశాన్ని ఉజ్వల భవిష్యత్తువైపు తీసుకువెళ్తున్న నరేంద్రమోదీ జీవితంలోని స్ఫూర్తిదాయక సంఘటనలు ,విశ్లేషణలతో రాసిన ఈ పుస్తకం ముందు వరుసలో నిలుస్తుంది.ఎందరికో స్ఫూర్తినిస్తుంది."ఒక చాయ్ వాలా సాధించిన విజయం,మోడీ జీవితంలోని ఉద్వేగభరితమైన అనుభవాలను" ఎంత శ్రమకోర్చి ఏర్చికూర్చి అందించారో పుస్తకం చదివితే అర్థమవుతుంది.
ఇలాంటి పుస్తకాలూ ప్రతీఒక్కరూ చదవాలి.ముఖ్యంగా యువత.మోడీని విమర్శించేవారికి ఈ పుస్తకం ఒక సమాధానం. ఈ పుస్తకం ఆసాంతం చదివించేలా ఒక చలనచిత్రాన్ని మోడీ జీవిత దృశ్యాలను కళ్ళముందు నిలిపినట్టు వుంది.
ప్రతీ భారతీయుడికి స్ఫూర్తిని ఇచ్చే పుస్తకం

ఈరోజుల్లో ప్రస్తుతం వున్న పరిస్థితుల్లో ఇలాంటి వ్యక్తిత్వ వికాస పుస్తకాల అవసరం చాలా వుంది.అసంతృప్తిలో కూడా గుడ్/బ్యాడ్ వుంటాయని నిర్మాణాత్మకమైన అసంతృప్తి,నిరర్థకమైన అసంతృప్తి వుంటాయని సోదాహరణంగా చెప్పిన విధానం బావుంది.అసంతృప్తి కేటలాగ్ చదివితే అర్థమైపోతుంది.

దంపతులకు రసానుభూతి కలిగించే రొమాంటిక్ కథలు.ఎక్కడా అసభ్యతకు తావులేకుండా అద్భుతంగా రాసిన కథలు.

తీశ్మార్ గురించి చదువుతుంటే ఒళ్ళు గగుర్పొడిచింది.వయసు తొంభైతొమ్మిది. పొడవాటిగడ్డం.ఎప్పుడూ ఎర్రగా వుండే కళ్ళు.ఆ ప్రాంతంలో దొరికే ఆకుపసర్లతో తయారయ్యే ఒక ద్రవపదార్థమే అతని ఆహారం అంటారు.ఇలా తీశ్మార్ గురించి వర్ణిస్తుంటే అలా చదువుతో ఉండిపోయాం.
హీత్రోచీ భాష ,జంగానియా అంటే ఆత్మలు ప్రేతాత్మలు తిరిగేచోటు అని అర్థం.అని చెప్పడం, కొన్నిచోట్ల రీజనింగులు ఇవ్వడం లాజిక్ లు చెప్పడం,చాలా బావుంది మేడం.డార్క్ అవెన్యూ సినిమాగా వస్తే చూడాలని వుంది.

శ్రీసుధామయి గారు మీ జానపద నవలలు అన్నీ బావుంటాయి.చక్కని శైలి.చ్చిన్నప్పటి విఠలాచార్య సినిమాలు గుర్తుకు వస్తున్నాయి.ప్యాకెట్ సైజు పుస్తకాలు చదివే అలవాటు.ఇపుడు అలాంటి నవలలు రాసేవారు తక్కువే.భిట్లాడేవి బేతాళ మాంత్రికుడు నవల చాలా బావుంది.అభినందనలు .మీరు ఇలాంటి జానపద నవలలు మరిన్ని రాయాలి.

ఈ నవల గురించి ఈ మాటలు చాలు...అద్భుతమైన నవల
ఉరితీసే ముందు నా చివరికోరిక ఒకేఒకటి..నేను ఉరికొయ్యకు వేలాడుతోన్న దృశ్యాన్ని నా మిత్రుడు చూడాలి.చెప్పాడు సత్యవర్ధన్
"చూడు మిత్రమా...నా మరణాన్ని చూడు,,,కొద్దీ క్షణాల్లో ఉరికొయ్యకు బిగుసుకుపోయి ప్రాణం కోల్పోయి చట్టబద్ధంగా హత్యచేయబడ్డ నా మృతదేహాన్ని చూడు..."కొద్దీ క్షణాల్లో నల్లటిగుడ్డ అతని మొహం మీద కప్పబడింది.చెక్కతలుపు మీద అతను...లివర్ కదిలింది.ఉరికొయ్యకు అతని దేహం వేలాడింది...
ఈ వ్యవస్థలోని లోపాలకు అతని మరణమే ...మరణశాసనం కావాలి...ఆ క్షణమే వర్షం మొదలైంది...
మరణానికి ముందు మిత్రుడు రాసిన ఉత్తరం అతడిని యుద్ధభూమి వైపు నడిపించింది...
*నువ్వు నన్ను ప్రేమించినా...ప్రేమించకపోయినా నేను నిన్ను ప్రేమిస్తాను..ఇది ఫిక్స్...చెప్పాడు సాకేత్ ఆముక్తమాల్యదతో.
*"ఉద్యోగం వస్తే రోజుకో కొబ్బరికాయ కొడతానని నువ్వు మొక్కుకుంటున్నావు...నీకు ఉద్యోగం ఎప్పుడొస్తుందా అని ఎదురుగా వున్న కొబ్బరికొట్టు వాడు ఎదురుచూస్తున్నాడు..అయినా శరీరాన్ని ఇలా ప్యాక్ చేస్తే నీకు ఉద్యోగం ఎవరిస్తారే .."దెబ్బయేళ్ళ బామ్మ మనవరాలు ఆముక్తమాల్యదతో అంది.
* బాబాలు స్వామీజీలు ప్రజల బలహీనతలతో ఆడుకునే వ్యవస్థలో నుంచి పుట్టుకువచ్చిన పుట్టగొడుగు కృష్ణస్వామి కి పరమభక్తురాలు అముక్త...అక్కడ ఆ ఆశ్రమంలో జరిగే తంతు చూసేక ఎలా రియాక్టయింది?
రంగస్థలమ్మీద నటించే అతను జీవిత రంగస్థలంమీద యుద్ధం మొదలుపెట్టాడు..మారణశాసనాన్ని పునర్లిఖిస్తున్నాడు.

సెంటిమెంట్స్,ఎమోషన్స్ ను కనిపెట్టడానికి క్యూ గ్రాహం ప్రహేళికను పంపించడం,సైంటిస్ట్ సిద్ధార్థను ట్రాప్ చేయడం,అతని ద్వారా ప్రహేళిక గర్భం దాల్చడం,ఆ తరువాత అనూహ్యమైన మలుపు,ప్రహేళిక అదృశ్యం..ఆమె కోసం సిద్దార్థ అన్వేషణ,జర్నలిస్ట్ వాసంతిని సిద్దార్థ ల్యాబ్ లో రోబోలు బంధించడం,అంతర్యామి విలనిజం..ప్రతీ పాత్ర ప్రత్యేకత కలిగి వుంది,కథనం కళ్లను పరుగుపెట్టించింది.ఒక ఇంగ్లీష్ మూవీ చూస్తున్నట్టు వుంది.

నేను నా బాల్యంలోకి వెళ్లి చదివిన నవల.నా చుట్టూ వున్నా ప్రపంచాన్ని రణగొణధ్వనులను కాలుష్యాన్ని మరిచిపోయి హాయిగా చదువుకున్నాను.నవల చదువుతూ గంధర్వలోకానికి వెళ్ళాను.మేఘాలను పలకరించాను.మణిమేఘనా సౌందర్యాన్ని చూసాను.ఎక్కడా అసభ్యతకు తావులేని శృంగారం ,మనసుకు హాయించే వర్ణనలు,మరోలోకానికి తీసుకువెళ్లే అద్భుతకథనం,ఇలాంటి జానపద నవలలు ఈ తరం పాఠకులకు పరిచయం చేసిన రచయితకు కినిగెకు ధన్యవాదాలు.తెలుగుభాష మీద మమకారాన్ని,జానపద నవలల మీద ఇష్టాన్ని పెంచిన నవల" మాయాశిల్పం-మంత్రఖడ్గం" .