అదృశ్యవనం టైటిల్ చూడగానే చదివేయాలనేట్టు వుంది.అతి తక్కువ వ్యవధిలో రచయిత్రి ఏడు జానపద నవలలు రాయడం రికార్డు.మిగితా నవలలు చదివాను.పచ్చలలోయ,భూతాదేవి బేతాళ మాంత్రికుడు,ముఖ్యంగా జ్వాలాముఖి మంత్రాలదీవి నవలలు చాలా బావున్నాయి.జానపద నవలలు అచ్చ తెలుగులో సరళమైన భాషలో చాలా బావున్నాయి.
మళ్ళీ జానపద నవలలను ఇప్పటితరానికి పరిచయం చేస్తున్న కినిగెకు ధన్యవాదాలు.రచయిత్రికి అభినందనలు.

రహస్యం కథ చదువుతుంటే ఒక క్రైమ్ థ్రిల్లర్ సినిమా చూస్తున్నట్టు వుంది.డబ్బు ఎవరితోనైనా ఎంత పనైనా చేయిస్తుందనిపిస్తుంది.నిధి కోసం జరిగిన నేరంలో ప్రతీ సంఘటన రచయితా ఉత్కంఠభరితంగా రాసారు.ఒళ్ళు గగుర్పొడిచేలా వుంది.డివోచి పాము సన్నివేశం ఆ సర్పం కూడా ఓ పాత్రగా మారి కథకు కీలకంగా మారడం రచయిత సృజనాత్మకతే .
స్లీపర్ కోచ్ సున్నితమైన భావోద్వేగాలను స్పృశించింది.రొమాంటిక్ స్టోరీని ఇంత అద్భుతంగా రాయగలరా?యుద్ధాన్ని రొమాన్స్ ని బాలన్స్ చేసే వర్ణన సూపర్బ్.
అక్షరాల వెంట కళ్ళు పరుగెత్తించిన పుస్తకం.

తెలుగుభాష మీద జానపద నవలల మీద మమకారాన్ని పెంచేలా చేసిన నాకు బాగా నచ్చిన నేను చదివిన మొదటి జానపద నవల" మాయాశిల్పం మంత్రఖడ్గం" ఇంగ్లీష్ మీడియం చదువులు ,నాకు ఊహ తెలిసేనాటికే జానపద నవలల కనుమరుగు ,చిన్నప్పుడు మా బామ్మ దగ్గర చిట్టిచిట్టి పిల్లల నవలలు చూసాను.ఇప్పుడు మొదటిసారి నవల చదివాను.
నవల చదువుతున్నంత సేపు గంధర్వలోకంలో ,జానపద కాలంలో ఉండిపోయాను.మణిమేఘనా పాత్రను తీర్చిదిదిన తీరు అమోఘం.ఆ పాత్రలో అమాయకత్వం,చదువుతుంటే ముచ్చటేసింది.నిజంగా గంధర్వలోకంలో మణిమేఘనా వున్నట్టే అనిపించింది మేఘాలు పక్కకు తప్పుకోవడం,నేనెవరిని అని అని మణిమేఘన అడగడం,మాయాశిల్పంగా మారడం ,మన్త్రికుడు దొంగచాటుగా కీటకంగా మారి గాంధర్వ లోకంలోకి ప్రవేశించడం,ఉత్కంఠ భరితంగా వుంది.
యువరాజు విజయసింహుడి పాత్ర రాబిన్ హుడ్ సాహసాలను తలపించాయి.నవలను చదువుతూ కొత్తప్రపంచంలోకి వెళ్ళిపోయాను.
అద్భుతమైన ఫాంటసీ ,అత్యద్భుతమైన జానపద నవల.