వ్యవస్థలోని చీకటికోణాలను వెలికితీసిన నవల,నకిలీ స్వామీజీల నిజరూపం తెలియజేసిన నవల.విద్యావ్యవస్థ తీరును ఆవేదనగా ప్రశ్నించిన నవల. మానవతా విలువలను కళ్లకుకట్టిన నవల.ఆముక్తమాల్యద,సాకేత్ ,బామ్మా,సత్యవర్ధన్ శివరాం,కృష్ణస్వామి,ఇవి పాత్రలు కాదు కళ్ళముందు కనిపించే వ్యక్తుల ప్రతిరూపాలు.
మనసును హత్తుకున్న నవల.ప్రేమకు కొత్త అర్థాన్ని చెప్పిన నవల,మార్కెట్లో బంగారానికి,షేర్స్ కు వున్న వున్న విలువ ఇరవయ్యేళ్ళ కృషితో అకుంఠిత దీక్షతో మేధస్సుతో సంపాదించిన డిగ్రీలకు లేదా? అని సూటిగా నిలదీసిన నవల,
ఆధ్యంతం ఆసక్తికరం,ఉత్కంఠభరితం., ఒక చలనచిత్రంగా కళ్ళముందు నిలిపిన మరణశాసనం భావోద్వేగాల మిళితం.

యథార్థ సంఘటనల ప్రేరణతో రాసిన హారర్ థ్రిల్లర్ డార్క్ అవెన్యూ.
ఢిల్లీలో కూడా ఇలాంటి సంఘటనలు జరిగాయి.
హైదరాబాద్ లో అప్పట్లో సంచలనం సృష్టించింది.
లాజిక్ తో ఫిక్షన్ కలిపి హారర్ ను ఆసక్తిగా చదివే మా లాంటి పాఠకులకు చక్కని కాలక్షేపం.
భయపడుతూనే భయపెడుతూ చదివించిన నవల.
నవల ముగింపులో కొసమెరుపు బావుంది.
నవల బోర్ కొట్టించకుండా చదివించింది

అద్భుతం ...మన ఆలోచనలను ప్రశ్నించే పుస్తకం
గెలుపు అంటే అర్థం ఏమిటి? ఓటమికి నిర్వచనం ఏమిటి?
యుద్ధంలో ఒక దేశం గెలవడం గెలుపే.. కానీ ఒక దేశాన్ని ఆక్రమించుకుంటే ఆ గెలుపు నిజమైన గెలుపా?
ఒక కిరాయిహంతకుడు సుపారీ తీసుకుని హత్యచేస్తే అది గెలుపా?
గెలుపు అంటే మనకు ఆనందాన్ని లేదా డబ్బును ఇచ్చేది కాదు.. ఎదుటివారిలో కూడా ఆనందాన్ని కలిగించేదే గెలుపు
రామోజీరావుగారి పేరు తెలియని తెలుగు వాళ్ళే కాదు భారతీయులు కూడా వుండరు. ఆ మాటకొస్తే ప్రపంచమంతా గర్వించే రామోజీ ఫిలిం సిటీ, వార్త సంస్థలు, వేలాదిమందికి ఉపాధి ఇది కదా గెలుపు. రామోజీరావు అన్న పేరు ఈరోజు ఒక గెలుపు చిహ్నం.
వరల్డ్ ట్రేడ్ సెంటర్ మీద దాడిచేసిన ఉగ్రవాదులది గెలుపే.. కానీ కొన్ని వేలమంది ప్రాణాలు తీసిన ఆ దుశ్చర్య, ఉన్మాదం గెలుపు కాదు... ఓటమితో సమానం.
* గెలుపు అంటే ఓటమి నుంచి నేర్చుకునే పాఠాలు .. ఎమోషన్స్‌ను బ్యాలన్స్ చేయడం.. ప్రాక్టికల్‌గా ఆలోచించడం....
ఒక గెలుపు మనకు మాత్రమే ఆనందాన్ని ఇస్తుంది
మరొకటి.. మన గెలుపు మన చుట్టూ ఉన్నవాళ్లకు ఆనందాన్ని ఇస్తుంది.

ఒక థ్రిల్లర్ సినిమా చూస్తున్నట్టు వుంది.కళ్ళ ముందు పాత్రలు కదలాడుతున్నాయి.మేన్ రోబో సాహసాలు చదువుతుంటే ఒళ్ళు గగుర్పొడిచింది.మేన్ రోబో అగ్నిహోత్ర అనుకుని ప్రేమించడం చదువుతుంటే " వాట్ నెక్స్ట్ " అనే క్యూరియాసిటీ పెరిగిపోతుంది.అద్భుతమైన నవల,

మండువేసవిలో మంచు తెరల్లాంటి కథలు అందించిన రచయిత్రి తేజారాణి తిరునగరి గారికి ధన్యవాదాలు.
కథలు మనసును కట్టిపడేశాయి.
కవితలు మానవ జీవితంలోని వివిధకోణాలను స్పృశించాయి..
మీ కలం నుంచి మరిన్ని రచనలు రావాలి.
ఇలాంటి మంచి పుస్తకాలు అందిస్తున్న కినిగేవారికి ,
మేన్ రోబో పబ్లికేషన్స్ వారికీ కృతఙ్ఞతలు.