*”మా గంధర్వ యువరాణీవారు ఉద్యానవనంలో వుంది. .వెనక్కి వెళ్ళండి" అని భటులు చెప్పగానే మేఘాలు పక్కకు తప్పుకున్నాయి. చంద్రుడూ తప్పుకున్నాడు కొలనునీటిలో తన ప్రతిబింబం కనిపించకుండా..
*ఉద్యానవనంలో ఎవరో ప్రవేశించినట్టు మణిమేఘన మనసు కీడును శంకిస్తోంది.
కొలనులోకి అడుగుపెట్టడానికి మొసళ్ళు సైతం భయపడుతాయి. ...అయినా ఏమిటీ వైపరీత్యం
*అప్పుడే వెన్నెల భూమ్మీద పడుతోంది. చెట్ల మధ్యగా వచ్చిన వెన్నెల వెలుగు మాయాశిల్పం మీద ప్రసరించింది. మరుక్షణం పెద్ద వెలుగు.... మాయాశిల్పం మణిమేఘనగా మారింది. చుట్టూ చూసింది. తనకు తానెవరో జ్ఞప్తికి రావడం లేదు.
*నేనెవరిని? మీరెవరు? అని ప్రశ్నంచింది మణిమేఘనగా మారిన మాయాశిల్పం
ఆనాటి జానపద ప్రపంచంలోకి అడుగుపెట్టాలంటే మాయాశిల్పం మంత్రఖడ్గం చదవల్సినే/
ఎన్నిసార్లు చదివినా మళ్లీమళ్లీ చదవాలి అనిపించే నవల

కరోనా ఒత్తిడిలో " నవ్వుదేవుడొచ్చాడోచ్" కాసేపు ఒత్తిడిని మరిచిపోయేలా చేసింది.అన్నికథల్లో నవ్వు అంతర్లీనంగా వుంది.చదువుతున్నప్పుడు,చదివాకా,మళ్ళీ గుర్తు చేసుకున్నప్పుడు కూడా పెదవుల మీదికి నవ్వొచ్చేస్తుంది.నిజంగా నవ్వుదేవుడు ఉంటే ఎలా ఉంటుందన్న ఆలోచన ప్లజంట్ గా అనిపించింది.స్వాతి వీకెల్లీలో పదివేల బహుమతి వచ్చిన కథగా ఈ కథ చదివాను.అలాగే నవ్వు,కనబడుటలేదు,లాఫింగ్ ట్రీ,కథలన్నీ చదివి ఒత్తిడిని మరిచిపోయేలా వున్నాయి.

నవల చదువుతుంటే రచయిత సమాచారాన్ని ఎంతో శ్రమకోర్చి సేకరించి,నవలలో పొందుపర్చినట్టు తెలుస్తుంది.హారర్ నవల రాయడం కత్తిమీద సాము లాంటిదే.యథార్థసంఘటనలతో ఆసక్తిగా భయాన్ని నేపథ్యంగా తీసుకుని రాసిన డార్క్ అవెన్యూ చాల బావుంది.తీశ్మార్ పాత్ర ఒళ్ళు గగుర్పొడిచేలా వుంది.

మానసికోల్లాసానికి కాలక్షేపానికి ఎన్నో కథలు చదువుతాం.
భార్యాభర్తల మధ్య శూన్యాన్ని మిగిల్చే దాంపత్యజీవితం గురించి ,నిస్సారమయ్యే మధురోహల గురించి బయటకు చెప్పుకోలేక సతమతమయ్యే దంపతులకు క్యాండిల్ లైట్ శోభనం నిస్సందేహంగా ఒక గొప్ప ఎమోషన్..చక్కని పరిష్కారం.
జీవిత భాగస్వాములు కలిసి చదువుకునే " ది బెస్ట్ రొమాంటిక్" మెమోరీస్ ఈ కథలు
"ఈ వర్షంలో కరెంటు లేదు. మనం క్యాండిల్ లైట్ శోభనం జరుపుకుందాం..ఓ క్యాండిల్ ని వెలిగిద్దాం... క్యాండిల్ వెలుతురులో ..".అతను చెప్పడం మొదలుపెట్టగానే ఆమె ఒంట్లో వెచ్చని ఆవిర్లు...
ఒకరికి తెలియకుండా మరొకరు మార్చిన క్యాండిల్స్ వెనుక వున్న కహానీ .రొమాంటి "హనీ "ఏమిటి?
*అతనో గొప్ప సైంటిస్ట్ ..భార్యాభర్తల మధ్య రొమాంటిక్ ఫీలింగ్స్ ని కలిగించే ఆపిల్ చెట్టును సృషించాడు..ఆ చెట్టుకు కాసిన రెండే రెండు ఆపిల్స్ లో ఒక ఆపిల్ ఏంచేసాడు?వాట్ నెక్స్ట్?
*ప్రతీ పెళ్లిరోజుకు ఒక విలువైన బహుమతి ఇచ్చే మల్టీ మిలియనీర్ అతను.ఆ పెళ్లి రోజుకు ఆమె ఓ విచిత్రమైన బహుమతిని కోరింది.అతను ఇచ్చేసాడు.ఆ బహుమతి ఏమిటి? ఆమె కోసం అతను ఆ రాత్రంతా ఆ గదిలో ఏం చేసాడు?
చదువుతుంటే కళ్ళముందు అందమైన భావోద్వేగాలు కదలాడుతున్నాయి

విభిన్నమైన కథాంశం,వాణిజ్యవిలువలతో సందేశాత్మకంగా చెప్పే ప్రయత్నం.ఇది నవల రూపంలో ఉంటే మరింత బావుండేది.
సబ్జెక్టు బావుంది.ముఖ్యంగా చిరంజీవి అభిమానులకు చిరంజీవి రెండు పాత్రలు వేస్తే బాగా నచ్చుతుంది.మెజీషియన్ పాత్ర పిల్లలను ఆకట్టుకుంటుంది.
అబ్రకదబ్ర కథలోని సుధాకర్ పాత్ర కొత్తగా వుంది .ఇప్పుడు ఈ క్యారెక్టర్ ఎవరైనా చేయవచ్చు.కుబేరాయనమః నవలిక బావుంది.ఇది ఆంధ్రభూమి మాసపత్రికలో నవలగా వచ్చింది.

మీ ఇష్టం నా చదివాక మన ఇష్టం ఎలా ఉండాలో తెలిసింది.మిమ్మల్ని మీరు అర్థం చేసుకోండి పుస్తకం తరువాత నాకు బాగా నచ్చిన పుస్తకం, " మీ ఇష్టం "
" మీ ఇష్టం పూర్తి చేయడానికి ముందు..ఉపసంహారం ప్రారంభిస్తూ.... అప్పుడు చూసాను. మంచుపొర వెనుక ఓ దివ్య తేజస్సును... ఎన్నో నిద్రలేని రాత్రిళ్ళను చూసిన నా కనుల‌కు భ్రమా? వాస్తవమా? భ్రమలాంటి వాస్తవమా? ఇంకా పూర్తిగా తెల్లవారనే లేదు.
ఆ దివ్యతేజస్సు నాతోపాటు లోపలికి వచ్చింది. త‌లుపు వాటంతటవే మూసుకున్నాయి. గదిలోని లైటు క్రమక్రమంగా అంతర్ధానమవుతోంది. లైటు వెలుతురు స్థానంలో దివ్యతేజస్సు కిరణాలు...
‘‘ఎవరూ?’’
‘‘నేను దేవుడ్ని...’’
‘‘దేవుడా?
నువ్వు... నువ్వున్నావా?’’
నా అనాలోచిత ప్రశ్న...
ఆ తర్వాత..?
దేవుడికి రచయితకు మధ్య ఏం జరిగింది?"
ఈ వాక్యాలు పాఠకులను వెంటాడుతాయి.మన ఇష్టాన్ని అన్వేషించమని చెబుతాయి.

సెంటిమెంట్ దేశభక్తి యాక్షన్ ఎమోషన్స్ కామెడీ సస్పెన్స్ అన్నీ వున్న ఎంటర్టైనర్ టార్గెట్ 789 .ఆంధ్రభూమిలో ఈ నవల చదివినప్పుడే థ్రిల్ ఫీలయ్యా.
నయనతార లక్ష్మి మంచు లాంటివాళ్లు ఇలాంటి పాత్రలు పోషిస్తే మంచి థ్రిల్లర్ అవుతుంది.అప్పటి డ్రగ్స్ ఉగ్రవాదుల బెడద ఇప్పటికీ కొనసాగుతూ ఉండడం విషాదకరం.
ఎవరైతే తన కూతురు అని నాటకం ఆడి మరణం వైపుకు తీసుకువెళ్లాడో ఆ వ్యక్తి నిజంగా తన కూతురే అని తెలిసినప్పుడు సిబిఐ చీఫ్ ఫీలింగ్స్ సూపర్బ్

ఇలాంటి విభిన్నమైన కథలు అరుదుగా వస్తుంటాయి.కుబేరుడు అప్పు ఇవ్వడం..ఏడుకొండలవాడు సాక్షిగా ఉండడం ఆ డబ్బును ఎలా వసూలు చేసుకోవాలో చెప్పడం.
వడ్డీ ఇవ్వని వైభవ్ ను కారుతో సహా పైకి తీసుకువెళ్లిన కుబేరుడి తెలివితేటలూ , ,అనాథశరణాలయం.దేవుడిని నమ్మని హీరో, అద్భుతమైన కథాకథనం .ఆహ్లాదకరమైన సందేశాత్మక హాస్యనవల.పాతికేళ్ల క్రితం ( ఆంధ్రభూమిలో ) నేను చదివిన కుబెరయ నవలకు సీక్వెల్ కాబోలు.

super novel

" మాయాశిల్పం..మంత్రఖడ్గం " నవల మమ్మల్ని గంధర్వలోకానికి తీసుకువెళ్ళింది.
మణిమేఘన మాటలు ముద్దుముద్దుగా వున్నాయి.
*నేనెవరిని? మీరెవరు? అని ప్రశ్నించిన మణిమేఘనను చూస్తుంటే శ్రీదేవి కళ్ళముందు కదలాడింది.
కథనం దృశ్య ప్రదానంగా మారి కళ్ళముందు దృశ్యాలను ఆవిష్కరించింది.
కాంతారావు గారిని మీరు కలుసుకున్న సందర్భం వివరిస్తుంటే మనస్సు అర్త్త్రమైంది .నాకు ఇష్టమైన జానపద కథానాయకుడు.
ఇంత మంచి నవల అందించినందుకుకు ధన్యవాదాలు.

Beautiful Novel చాలాకాలం తరువాత యద్దనపూడి స్టైల్ నవల చదివినట్టుంది.

" ఈ ప్రపంచంలో సైన్స్ కూడా కనిపెట్టలేనిది..మనకన్నా ఎంతో అడ్వాన్స్ లో వున్న ఏలియన్స్ కూడా కనిపెట్టలేక భూమ్మీదికి వచ్చి పరిశోధన చేయడం " అనే కాన్సెప్ట్ మైండ్ బ్లోయింగ్......
ముఖ్యంగా ప్రహేళిక ఏలియన్ అని తెలియక సిద్దార్థ ప్రేమలో పడడం..ఆమె అదృశ్యం..ఆమె కోసం సిద్దార్థ వెతకడం..నా దృష్టిలో బెస్ట్ థ్రిల్లర్...మన తెలుగు సినిమాలు ...మూస సినిమాలు వదిలి ఇలాంటి సినిమాలు చేయాలి..తమిళ్ లో హీరోలు ఇలాంటి ప్రయోగాలు చేస్తారు..
జర్నలిస్ట్ పాత్ర..ఎమోషన్స్ సింప్లీ సూపర్బ్ సర్...విజయార్కె గారు నా అభిమాన రచయిత..పాతికేళ్ల క్రితమే వారి జడ్జ్ మెంట్ ( మరణశాసనం ) నవల అప్ప్పట్లో ఆంధ్రభూమి వీక్లీ లో ఒక సంచలనం.