Comment(s) ...

నాకు చాల బాగా నచ్చిన హైకూ లలో ఒకటి,

మనిషిలో నివసించే
అమ్మపేరు
మానవత్వం

నిజంగా ఈ కథ అణచివేతకు, దోపిడీకి, అవమానాలకు వ్యతిరేకంగా ఒక యోధుడు చేసిన పోరాట విజయ పరంపర. ఆ యోధుడు బాలయ్య. కష్టపడి పని చేయడం, చెడు అలవాట్లను వదిలిoచుకోవడం, ఆధిపత్యాన్ని ధిక్కరించడం, ఉన్నతమైన ఆలోచనలు చేయడం, పిల్లల భవిష్యత్తు కోసం తపన పడటం, అనేవి అతని ఆయుధాలు, ఈ పోరాటం లో భార్య పిల్లలు కూడా తోడయ్యారు. కాని అవసాన దశలో ఆ దంపతులు నిస్సహాయులవడం దురదృష్టకరం.
కథలో తెలంగాణ సామజిక పరిస్థితులు, రజాకార్ల, దొరల దురాగతాలూ, మూఢ నమ్మకాలూ, ఆస్పృష్యత యొక్క వికృత రూపం, ఉమ్మడి కుటుంబాల అనురాగాలు, సాదక బాధకాలు, కింది స్థాయి రైల్వే ఉద్యోగ జీవితాలు చాలా బాగా వివరించారు. కాని కొన్ని చోట్ల ఉదా,, కి, చిన్న నర్సయ్య తండ్రి చనిపోయిన తర్వాత ఊరి జనాలకు అకస్మాత్తుగా దూరం అవడం, గార్డుల భార్యలు ఒకచోట ఇష్టపడతారు అని ఇంకో చోట ఇంట్లోకి రానియారు అని అంటరానివారిగా చూస్తారని ఉండడం, కల్లు తాగే అలవాటును ఏమాత్రం ఎక్కడ కూడా విమర్షించకపోవడం తర్కబద్ధం అనిపించలేదు.
కథనం లో ఎక్కడ కూడా అస్పృష్యులను హిందువులలో కలపకపోవడం దురదృష్టకరం, నా దృష్టిలో సమాజంలో అగ్ర లేదా ఉన్నత కులాలు, చిన్న లేదా తక్కువ కులాలు ఉన్నాయి కాని హిందువులు వేరుగా తక్కువ కులాలు వేరుగా లేవు. పుట్టిన ప్రతి వాడు మనుధర్మమో వేరే ఇంకో ధర్మమో పాటించవలసినదేనా, బాలయ్య లాగా స్వధర్మం పాటించలేడా, రామాయణ భాగవతాలను చదవొద్దన్న అజ్ఞానులను ఎదిరించలేడా?
రచయిత గారి ఆత్మకథ కూడా ఇందులో బాగా మిళితమైపోయింది, టికెట్ లేకుండా ప్రయాణించడం కూడా ఎంతో నిజాయితీ గా రాశారు, ఒక human excellence కి ఉదాహరణే బాలయ్య, ఆయన జీవితమే ఒక మూర్తిమత్వ వికాస పుస్తకం, ఆ పుస్తకాన్ని అందించిన సత్యనారాయణ సార్ గారికి ధన్యవాదాలు.

నేను వాల్మీకి రామాయణం ను చదవలేదు, నేనే కాదు సామాన్య జానాలెవారూ చదవరు, ఏవో చిన్న చిన్న చందమామ కథలలోనో, పిట్ట కథలలోనో, టీవీ లోనో, సినిమా లోనో మాత్రమే రామాయణం తెలుసుకుంటారు. వాటిలో ఎక్కడ కూడా రాజ్యం ఫై హక్కులు, జంతువులను వేటాడడాలు లాంటివి అంతగా వుండవు. ఎవరో అమృతమో విషమో కావాల్సిన వాళ్ళే వాల్మీకి రామాయణం చదువుతారేమో, చాలా కష్టపడి రామాయణం నుండి విషాన్ని వెలికితీసారు కవయిత్రి గారు, వారికి నమస్కారం.
ఇంత బాగా ఆలోచించగలిగిన కవయిత్రి గారు, కోట్లాది ప్రజలు విశ్వసించే రామాయణ గాథను అందరూ మెచ్చే విధంగా రాసి ఉంటే ఇంకా బాగుండేది. ఒక దేశం ఇంకో దేశం మీద, ఒక సమాజం ఇంకో సమాజం మీద, ఒక సంస్కృతి ఇంకో సంస్కృతి మీద దాడి చేసినప్పుడు అక్కడి జీవన విధానం, సంస్కృతి, సాహిత్యాలను ఖండిస్థాయి, ఈ పుస్తకం అలాగే ఉంది. పెద్దలను సేవిoచడం అనేది ఉమ్మడి కుటుంబ లక్షణం, అన్నకు తమ్ముడు సేవ చేస్తే దాన్ని బానిసత్వం అనడం బాగాలేదు. కవయిత్రి గారికి అసలు రాజరికం ఆంటే ఎందుకంత ద్వేషం, చరిత్ర లో తనను నమ్మిన ప్రజలను రక్షించి వారిని కన్నబిడ్డల వలే పాలించిన రాజులందరూ మీ దృష్టి లో దోపిడీ వర్గమేనా?
కొందరు అసమానత లకు పరిష్కారం చూపే యత్నం చేస్తారు, కవయిత్రి గారు ఎంత సేపూ రోగ లక్షణాలు దాని దుష్ప్రభావాలు చెపుతున్నారే గానీ పరిష్కారం చూపడం లేదు.
పెరియార్ గారు జాతి పక్షపాతి అయితే కవయిత్రి గారు ఒక ప్రత్యేక సిద్ధాంత పక్షపాతి లాగా ప్రవర్తించారు. పెరియార్ గారి లక్ష్యం ద్రవిడులు ఆర్యులను తిరస్కరించడo లాగా కనిపిస్తే కవయిత్రి గారి లక్ష్యం అసలు రామాయణమే తిరస్కరించబడడం లాగా కనిపిస్తోంది.
వాల్మీకి రామాయణం నకు ఎట్టి మార్పులు చేయవద్దనుకున్నారoటే, వాల్మీకి రామాయణం ఆ కాలం నాటి సమాజ స్థితిగతులను ప్రతిభిoబిస్తుందంటే, రామాయణం ఒక కట్టుకథ కాదు అది నిజంగానే జరిగిందని, అది ఒక చరిత్ర అని కవయిత్రి గారు ఒప్పుకున్నట్టే కదా...

Don't miss!
Free goodies!
Authors ...
Publishers ...
Manchi pustakam books
Comment(s) ...

kinige is careless, never reply and fix the issue

Dear sir I want book of భారతీయ గణిత శాస్త్ర చరిత్ర both parts. My phone number is 7780766097. Pl advice

I don't understand how to read free pdf or how to buy the book

Subscribe
Browse