“నీవన్నది నిజం... మా యువరాణి ముందు దేవకాంతలు కూడ తమ అందాన్ని పరీక్షించుకుని ముఖాలు చిన్నబుచ్చుకుంటారు. మా అందాల బరిణెను చూస్తే మన్మథుడు, నలకూబరుడులాంటి దివ్య పురుషులు వారి లోకాన్ని విడిచి వస్తారు..." అంటూ రాజకుమారి గురించి గొప్పగా వర్ణించి చెప్పాడు తిమ్మయ్య “అలాంటప్పుడు మాలాంటి వీరులకు పోటీ పెట్టి, భవంతిలోకి వెళ్ళగలిగిన వారికి యువరాణినిచ్చి పెళ్ళి చేయవచ్చు కదా!” అని అతని ముఖంలోకి చూశాడు.
“పోటీ పెట్టి పెళ్ళి చేయడానికి ఇది స్వయంవర ప్రకటనకాదు!
యువరాణి రక్షణార్థం ఏర్పాటు చేసిన మందిరం... ఇంతకీ తమరెవరు వీరకిశోరా?" అని ప్రశ్నించాడు కాస్త వ్యంగ్యంగా.
"మీ పొరుగునున్న నికుంభ రాజ్యం మాది. యువరాజు సూర్యవర్మని. మీ రాజ్యంలో పరిస్థితుల గురించి మా వేగులు చెప్పగా విని, ఈ వింత ఏమిటో చూద్దామని వచ్చాను..."
ఆ రాజ్యంలో ఆ పరిస్థితులేమిటి?
ఆ వింత ఏమిటి?
పాఠకులను వాయుమనోవేగాలతో పరుగులు తీయించే
మణిదీపుడి సాహసయాత్ర
కత్తుల బోను
అడపా చిరంజీవి జానపద నవల!