ఎదురు తిరిగిన ఒక వ్యక్తిని నిర్ధాక్షిణ్యంగా ఖతం చేసి వచ్చాడు షాడో అంతకు ముందే!

పరిచయం కూడా లేని చిన్న పిల్లలతో దాగుడుమూతలు ఆడుతున్నాడు - తనుకూడా ఒక చిన్న పిల్లవాడై!!

చుట్టూ చేరి గుంపు కట్టి వున్న చిన్నపిల్లల నవ్వులకు, అతని పెదవుల మీద కనబడీ కనబడనట్లున్న చిరునవ్వుకు పెద్ద తేడా కనిపించటం లేదు.

అనుక్షణం ప్రమాదాలతో తలపట్లు పట్టి పట్టి కరుకుగా తయారయిన అతని గుండెల్లో - అటువంటి చిలిపితనం, అంతటి అమాయకత్వం దాగున్నాయని అంటే నమ్ముతారా ఎవరైనా??