నవల చదువుతూ కళ్ళలో నీళ్లు ఆపుకోలేకపోయాను.ఈ నవల నేను కన్నడంలో చదివాను...నాకు కన్నడం కొద్దిగా వచ్చు..తెలుగులో నాకు తెలిసి స్వాతి మంత్లీ లో వచ్చింది. తలిదండ్రులను చిన్నప్పుడు గుండెల మీద ఆడుంచుకున్నప్పుడు బిడ్డలు కళ్ళతో తంతారు..అదే పెద్దయ్యాక కూడా అదేపని చేస్తే..తల్లిదండ్రులు ఏం చేయాలో అద్భుతంగా చెప్పిన నవల...
ముఖ్యంగా నవలలో డిస్క్రిప్షన్ లో వున్నా కొన్ని వాక్యాలు మనల్ని వెన్నాడుతాయి.
''దేవుడు విషాదాన్ని సృష్టించి, కంటి తుడుపుగా 'ఓదార్పు' ను సృష్టించాడు.
* కాఫీ వల్ల గుండెపోటు వచ్చే అవకాశం ఎక్కువగా ఉన్నాయిట ...కాఫీ తగ్గించకూడదా?''
''గుండెపోటు కాఫీ తాగడం వల్ల రాదు. కొడుకు ప్రేమగా చూసుకోకపోతే వస్తుంది. కోడలు బిడ్డలా ఆలోచించలేకపోతే వస్తుంది''
*ఇద్దరు కసాయివాళ్ళు ఈ మేక నాకు కావాలంటే నాక్కావాలని గొడవ పడుతుంటే ఆ మేకపిల్ల ఎలా విలవిల్లాడిపోతుందో, ఆ తల్లి కూడా అలానే విలవిలలాడిపోయింది.
*ఓ దేవుడా నీకు శత సహస్ర కోటి కృతజ్ఞతలు. కృతఘ్నులైన కొడుకులనిచ్చి, కొండంత దేవుడైన భర్తను తీసుకెళ్లి, నా బాధను చూడలేక, నాకు అండగా ఓ తండ్రిని ఇచ్చినందుకు శిరస్సు వంచి నమస్కరిస్తున్నాను ప్రభూ.
*మళ్ళీ జన్మంటూ వుంటే గొడ్రాలుగా పుట్టించు దేవుడా! అని దేవుడ్ని మనస్ఫూర్తిగా వేడుకుంది.
*అక్కడున్న సమాధులను కదిలిస్తే ఎన్ని కథలు వెతలుగా చెబుతాయో, అక్కడ తగలబడుతున్న చితులను అడిగితే ఎన్ని కన్నీళ్ళను అక్షరాలుగా అనువదిస్తాయో...?
**అదో స్మశానం ..దాన్ని అనుకుని శరణాలయం..స్మశానమే వారికి దేవాలయం...
చితికి నిప్పంటించి చేతులు దులుపుకుని అయినవాళ్లు వెళ్ళిపోతే,ఏమీకాని అతను ఆ చితిలో దేహం బూడిదగా మారేవరకు అక్కడే ఉంటాడు బసవప్ప...
మనసును తాకే మంచి నవల నిర్ణయం.

1997 లో విజయార్కె గారు రాసిన నిర్ణయం నవల ప్రస్తుత పరిస్థితులకు అద్దం పడుతోంది.
వృద్దాప్యం గురించి ..వృద్దుల సమస్యలను వాటికి పరిష్కారాన్ని సరికొత్త కోణంలో ఆవిష్కరించింది.
"గుండెపోటు కాఫీ తాగడం వల్ల రాదు. కొడుకు ప్రేమగా చూసుకోకపోతే వస్తుంది. కోడలు బిడ్డలా ఆలోచించకపోతే వస్తుంది." అత్యద్భుతమైన ఈ ఒక్కవాక్యంలోనే వృద్దుల జీవితం మన కళ్లకు కట్టినట్టు అనిపించింది.
డబ్బు మాత్రమే లోకమై బ్రతికే మనుషులు ఈ నవల చదివి తమ తల్లిదండ్రులను ఎలా చూసుకుంటున్నారో ఎవరికి వారు విశ్లేషించుకోగలిగితే వృద్దాశ్రమాలు కనీసం తక్కువ అవుతాయేమో!!

పుస్తకాలు జీవితాలు మారుస్తాయా లేదో కానీ జీవితాన్ని మన కళ్ళముందు ఉంచుతాయి.నిర్ణయం నవల ఆ కోవకు చెందినది.మనసును కట్టి కుదిపేసిన నవల
నా కన్నడ స్నేహితురాలు ఈ నవల ( కన్నడంలో జీవనసంధ్య) కన్నడంలో చదివి బావుందని చెబితే..అదీ ఈ నవల మాతృక తెలుగు
( నిర్ణయం ) అని తెలిసి వెంటనే సెర్చ్ చేస్తే కినిగె లో ఇ బుక్ రూపంలో లభ్యమైంది.
తరువాత నా సహాధ్యాయి తన దగ్గరున్న స్వాతి కలెక్షన్స్ లో నుంచి ఈ నవల నా పుట్టినరోజు కానుకగా కానుకగా ఇచ్చింది.
1997 లో స్వాతి మాసపత్రికలో అనుబంధ నవలగా వచ్చిన ఈ నవలలో నాకు బాగా నచ్చిన అంశం...
త్యాగం పేరుతో పెద్దయ్యాక కూడా పిల్లలు తల్లిదండ్రుల మీద దాష్టీకాన్ని ప్రదర్శిస్తే కన్నప్రేమ అని సహించాలా? ఉహూ తిరగబడాలని కన్విన్సింగ్ గా చెప్పడం.
ఇప్పటికీ ఈ నవల .పిల్లలను తల్లిదండ్రులను ఆలోచింపజేస్తుందని నా విశ్వాసం
శ్మశానాన్ని వృద్ధుల ఆశ్రమంగా తీర్చిదిద్దిన తీరు.
కలెక్టర్ కూతురు తన బామ్మను ఓల్డ్ ఏజ్ హోమ్ లో కలుసుకున్న సందర్భం...
కంటికి కన్నీటితెరను తెప్పించింది.
ఈ నవల వచ్చినప్పుడు కొత్తగా ఉద్యోగంలో చేరిన రోజులు.,
ఇప్పుడు విశ్రాంత జీవితంలోకి వచ్చాక ఆలోచిస్తే ఇంత మంచి నవలను అప్పుడు మిస్సయ్యాను అనిపిస్తుంది.
ఇది ఒక వ్యక్తిత్వవికాసపుస్తకం ,
అందరూ చదవాలి చదివి ఒక్కసారి వుద్ధాశ్రమాలకు వెళ్లి ఈ పుస్తకం గురించి చెప్పిరావాలి.
పిల్లలకు తల్లిదండ్రులకు ఈ పుస్తకం ఇవ్వండి.వాళ్లకు జీవితాన్ని పరిచయం చేయండి.

ఒక అమ్మగా చెబుతున్నాను.ఎవరు రాయగలరు సర్ ఇలా?
బిడ్డల నిర్లక్ష్యానికి స్వార్థానికి బలైన తల్లుల నాకు గురించి తెలుసు.
ఇది నవల కాదు అమ్మల జీవితం,నాన్నల ఆవేదనలు సారం.వృద్ధుల జీవితాల్లోని విషాదాలకు అక్షరరూపం.
మీ నవలలో ఒక తల్లి తీసుకున్న నిర్ణయం చారిత్రాత్మక తీర్పు కావాలి ,కొత్తమార్పుకు నాంది కావాలి,
ఇలాంటి అద్భుతమైన నవల రెండు దశాబ్దాలకు పూర్వమే ప్రచురించిన స్వాతి పత్రికకు,
తల్లిదండ్రుల ఆవేదనను అర్థం చేసుకుని మీ అక్షరాలనుఆదరించిన కన్నడ పాఠకులకు,
మేన్ రోబో పబ్లికేషన్స్ కు
ఇ బుక్ గా అందించిన కినిగెకు
అభినందనలు కృతజ్ఞతలు.
దీనిని నవలగా కాదు తల్లిదండ్రుల ఆవేదనకు అక్షరాల అనువాదంగా చదవాలి.
అద్భుతమైన భావుకత,అత్యద్భుతమైన కథనం .

ఈ నవల కన్నడ అనువాదం కన్నడ పత్రికలో సీరియల్ గానూ ,నవల రూపంలోనూ ఇరవయ్యేళ్ళ క్రితమే చదివాను ( ఎంఎల్ రాఘవేంద్రరావు కన్నడ భాషలోకి అనువదించారు )
స్వాతి మంత్లీ లో అనుబంధ నవలగా వచ్చిన నిర్ణయం,ఆ వెంటనే కన్నడ పత్రిక రాగసంగమలో ధారావాహికగా,అటుపై మధురప్రకాశన పబ్లికేషన్స్ ద్వారా విడుదలైంది.
ఇప్పటికీ ఈ నవలలోని పరిస్థితులు మారలేదు.ఈ నవల ప్రతిఒక్కరికి ఒక్కోలా వర్తిస్తుంది అని నా నమ్మకం.

తల్లిదండ్రుల త్యాగానికి అర్థం లేనప్పుడు ఆ బిడ్డలకు త్యాగం చేయడంలో అర్థంలేదనే పరమార్థాన్ని చక్కగా చెప్పిన నవల.స్వాతి మంత్లీ లో ఈ నవల చదివా,ఆ నవల మిస్సయింది.తరువాత కొంతకాలం తరువాత కన్నడంలో ఈ నవల రాగసంగమ పత్రికలో లో సీరియల్ గా వచ్చిందని,కన్నడంలో నవలగా కూడా వచ్చిందని ఓ మిత్రుడు చెప్పడంతో సంతోషపడ్డాను.ఇప్పుడు కినిగె ద్వారా మరోసారి ఈ నవలను చదువుతున్నాను.
తల్లిదండ్రులను ప్రేమనించేవారు.నిర్లక్ష్యంగా వదిలేసేవారు అందరూ చదవవలిసిన నవల
''దేవుడు విషాదాన్ని సృష్టించి, కంటి తుడుపుగా 'ఓదార్పు' ను సృష్టించాడు.
* కాఫీ వల్ల గుండెపోటు వచ్చే అవకాశం ఎక్కువగా ఉన్నాయిట ...కాఫీ తగ్గించకూడదా?''
''గుండెపోటు కాఫీ తాగడం వల్ల రాదు. కొడుకు ప్రేమగా చూసుకోకపోతే వస్తుంది. కోడలు బిడ్డలా ఆలోచించలేకపోతే వస్తుంది''
*ఇద్దరు కసాయివాళ్ళు ఈ మేక నాకు కావాలంటే నాక్కావాలని గొడవ పడుతుంటే ఆ మేకపిల్ల ఎలా విలవిల్లాడిపోతుందో, ఆ తల్లి కూడా అలానే విలవిలలాడిపోయింది.
ఇలాంటి మాటలు ఈ నవలలో గుండెతడిని సృష్టిస్తాయి.

మనసున్న ప్రతీఒక్కరూ చదవాలి.మానవసంభాలను అర్థం చేసుకుని వాటిని బ్రతికించుకోవాలని ప్రతిఒక్కరూ కోరుకుంటే రచయిత నిర్ణయం నవల సార్థకత అవుతుంది.ఈ నవల కన్నడంలో చదివాను.తెలుగులో చదువుతున్నప్పుడు కళ్లలో నీళ్లు తిరిగాయి.అద్భుతమైన నవల.మనసుపొరలను స్పృశించే నవల.జీవితసత్యాన్ని చెప్పే నవల.

నిర్ణయం నవల కాదు,ఒక జీవితం.వృద్ధాప్యాన్ని శాపంగా భావించవద్దని చెప్పే శాసనం.పిల్లల నిర్లక్ష్యాన్ని బాధ్యతారాహిత్యాన్ని నిలదీసిన ప్రయత్నం.కళ్లముందు ఆవిష్కరించిన కావ్యం.ఈ పుస్తకాన్ని జీవితంలా చదవాలి.ఒక వ్యక్తిత్వవికాసాన్ని కళ్ళముందు నిలిపిన ఈ నవల ఒక మంచి ప్రయత్నం.