ఇది వంటల పుస్తకం కాదు. ఒక జ్ఞాపకాల పుస్తకం. చదువుతున్న కొద్దీ.. అనేక తీపి గుర్తుల రోటిరుచుల రూపంలో మన మనసును తాకుతుంటాయి. ఈ పుస్తకంలో కొన్ని రోటి పచ్చళ్లు ఎలా చేసుకోవాలో వున్నాయి. ఇది సర్వసమగ్రం కాదు. ఒక్క దోసకాయ పచ్చడినే కనీసం పాతిక రకాలుగా చేసుకోవచ్చు. దేని రుచి దానిదే. కలిపే పదార్ధాలను బట్టి ఏ పద్ధతిలో, ఎప్పుడు కలిపాం అనే దానిని బట్టి, నూరే చేతిని బట్టి రుచి మారుతుంటుంది. ఒకే పచ్చడి రిపీట్ అయినట్టు పాఠకులకు అనిపించవచ్చు. కానీ దేని రుచి దానిదే.
Cooking is a combination of Art and Science అని నేను గట్టిగా నమ్ముతాను. ఇది ప్రారంభం మాత్రమే. ఈ పుస్తకాన్ని సుసంపన్నం చేసే సర్వహక్కులు పాఠకుల రోట్లో వున్నాయి. మరిన్ని రోటిపచ్చళ్లను పాఠకులు జోడించవచ్చు.

- వాసిరెడ్డి వేణుగోపాల్