డాగర్‌ని బిగించి పట్టుకొని నది వైపు అడుగులు వేశాడు. ఆ సమయంలో షాడోని చూసినవారు... అతను ఆరితేరిన సి.బి.ఐ. ఏజంట్ అని అనుకోరు. అతనికి ప్రపంచంలో వున్న భాషల్లో మూడువంతులు వచ్చనీ, భారతదేశంలో రెండువందల చిల్లర భాషలన్నీ మంచినీళ్ళ ప్రాయమనీ వూహించలేరు.

కండలు తిరిగిన అతని ఆరు అడుగుల శరీరం... ప్రపంచంలో వున్న అత్యాధునికమైన పోరాట విధానాలను అన్నిటినీ అభ్యసించింది అతనే అని అనుకోరు.

అడవి మనిషిలా కనిపిస్తున్నాడు షాడో. అడవి మనిషి లాగానే ఆరు అంగుళాల డాగర్‌ని పట్టుకొని, పొదల మధ్యగా నదీతీరాన్ని సమీపించాడు.