రాంబాబు... ఆర్థికంగా బాగానే స్థిరపడిన ఓ మోస్తరు అందగాడే! ఇతగాడి పెళ్ళి విషయంలో తన అమ్మ, నానమ్మల ఆప్షన్లు వ్యతిరేకంగా ఉండడం వల్ల ఏ సంబంధమూ కుదరక చివరికి నలభై ఏళ్ళు నిండి ఏజ్‌బార్ అనే నిందను తెచ్చుకున్నాడు.

ఇక తనకు పెళ్ళే కాదేమోనన్న భయంతో ఎవరో ఒకమ్మాయినైనా మనువాడాలనుకున్న రాంబాబుకు లలన కుమారి అనే ఓ అద్భుతమైన అందగత్తెను పెళ్ళాడే అదృష్టం వచ్చింది. అతగాడి సంబరం అంబరాన్ని తాకింది.

కాని... సంబంధం కుదురబోతున్న చివరి క్షణంలో పిడుగుపాటు లాంటి ఓ మిస్టరీ అతన్ని విషవలయంలా కమ్మేసింది. తత్ఫలితంగా లలన కుమారి చేజారిపోయే ప్రమాదం ఏర్పడింది.

అంతటితో వెన్ను చూపడం ఇష్టం లేని రాంబాబు, ఎన్ని కష్టాలు ఎదురైనా ఈ మిస్టరీని ఛేదించి ఎలాగైనా లలన కుమారిని తన భార్యగా చేసుకోవాలని వీర ప్రయత్నాలు మొదలెడతాడు.

చివరి వరకూ ఎన్నో వింత మలుపులు తిరిగే ఈ కథా ప్రస్థానంలో ప్రతీ ఒక్కటీ ఎంతగానో నవ్వును తెప్పిస్తాయి.

ఆలస్యమెందుకు? పదండి నవ్వేద్దాం!

(ఇందులోని ఇతివృత్తం, పాత్రలు, సంభాషణలు అన్ని నవ్వుకునేందుకు మాత్రమే కల్పితంగా సృష్టించబడ్డాయి, ఎవరినీ కావాలని కించపరచడం కాదని అందరూ గమనించాలి).

- సి.యస్.రాయుడు