కినిగె స్మార్ట్ స్టోరీ విజేతలను కలుసుకోండి.

* * *

ఈ పోటీ చూడగానే చాలా వుత్సాహం, చాలా ఆశ కలిగాయి. కేవలం 28 లోపు నవయువతీ యువకులే పాల్గొనే కథల పోటీ! చాలా అద్భుతాలను ఆస్వాదించవచ్చనుకున్నాను. ఆస్వాదించాను. 1960 లో డా. వివేకానందమూర్తి కథల సంపుటికి ముందు మాట రాస్తూ నండూరి రామమోహనరావు "తెలుగు కథకి ఈడొచ్చింది" అని ప్రకటించారు. ఇది యాభై ఏళ్ల నాటి మాట. అప్పటికీ యిప్పటికీ రెండు తరాలు గడిచాయి. ప్రతిభాపాటవాల స్థాయి పెరిగిన మాట నిజం. అయితే అవి సాహిత్యంలో ప్రతిఫలిస్తున్నాయా?

మంచి కథకి మెలికల మెరుపులు గాని సందేశాల గాంభీర్యం గాని అవసరం లేదని యిందులో కొన్ని కథలు తేటతెల్లం చేశాయి. కాని అర్థశతాబ్ది వ్యవధిలో కథా సాహిత్యం మగ్గవలసినంత పరిమళాలను సంతరించుకోలేదనిపించింది – ఈ పోటీలకు వచ్చిన పరిధిలో. మారిపోతున్న మానవ సంబంధాల మీద అనేక కొత్త రంగుల్ని యీ నవతరం ఆవిష్కరిస్తుందని ఎదురుచూశాను. 750 పదాలలో, పరిమితిలో వచ్చిన యీ కథలు బాగున్నాయి. చాలా కథలు చెయ్యి తిరిగిన కథకుల స్థాయిని మించి కనిపించాయి. విజేతలకు హార్దిక శుభాకాంక్షలు. మీ కృషి మిమ్మల్ని అగ్రభాగాన నిలబెడుతుంది.

~ శ్రీరమణ