మోనోలాగ్ ఆఫ్ ఏ వూండెడ్ హార్ట్

దేశ చరిత్రలోనే - బ్రెస్ట్ క్యాన్సర్ మీద తొలి దీర్ఘకవిత.

సునామీ తెల్సు
భూకంపం తెల్సు
గ్రహ శకలాలు తెల్సు
అణు విస్ఫోటనం తెల్సు
కానీ
కణ విస్ఫోటనం మాత్రం కొత్తదే కదా...

* * *

అడిగితే కాని అమ్మయినా పెట్టదంటారు.
క్యాన్సర్‌ -
అమ్మలగన్నయమ్మ
నేనేది అడక్కుండానే
తన కణాలను
నాలో పుట్టలు పుట్టలుగా పెంచింది

* * *

ఈ స్తనాతీత దిశని
మహిళా ప్రస్థానంలో
నవయుగోదయం అని చాటి చెపుదాం
లే.. నిలబడు
ఇప్పట్నించీ
'జెండర్‌'గా కాదు
'జెండా'యై నడుద్దాం!