పంచతంత్రం

క్రీ. శ. 5వ శతాబ్దంలో విష్ణుశర్మ అనే పండితుడు సంస్కృత భాషలో రచించిన ఈ గ్రంథం ఎన్నో ప్రపంచ భాషలలోకి అనువదింపబడి, ఎంతో ప్రాచుర్యం పొందింది. తన వద్ద నేర్చుకోదలచిన విద్యార్ధులకు పాఠ్యగ్రంథంగా ఈ పుస్తకాన్ని ఆయన రచించాడు. ఐదు భాగాలుగా విభజించిన ఈ పుస్తకం అనేక చిన్నచిన్నకథల సమాహారం. మానవ జీవితంలో అవసరమైన ఎన్నో ధర్మాలను, నీతిసూత్రాలను చక్కటి కథల రూపంలో, ఆసక్తికరమైన కథనంతో విష్ణుశర్మ బోధించాడు.

అవే కథల్ని నేటి తరపు బాలబాలికలకు సులభంగా అర్థమయ్యేలా తేలికపదాలతో సరళంగా సమగ్రంగా అందించారు నవ్య వారపత్రిక ఎడిటర్ శ్రీ ఎ. ఎన్. జగన్నాథ శర్మ. ఆయా కథలకు తగ్గట్టుగా చక్కని బొమ్మల్ని చిత్రించారు పినిశెట్టి.

పిల్లలనే కాదు, పెద్దలను సైతం ఆసక్తికరంగా చదివింపజేస్తుందీ పుస్తకం.