మీతో.......
ఏభై సంవత్సరాల ఊసులివి....
జీవితమంతా పంచుకున్న అన్ని రుచులూ -
తీపి, చేదూ, వగరూ, విగరూ, ప్రేమా,
చిరునవ్వూ, బాధా, కోపం, తాపం -
అన్నీ ఉన్నాయిందులో...
జీవితంలో ముసురుకున్న
ఎన్నో అనుభూతుల శయ్య ఈ కవితలు
కవిత ఆలోచనకి అందమైన ఫిలిగ్రీ నేత
మనసు చుట్టూ మన్నికయిన బంగారు మలామా
ఉగాది కవి సమ్మేళనాల్లో
డైరీల తొలిపేజీల్లో
ప్రేయసి గుస గుసల్లో
దూరమైనప్పుడు నిట్టూర్పుల్లో
కన్నకొడుకు కలిసిరాని దుఃఖంలో
విదేశాల్లో విమానాల్లో
ఆలోచనను అక్షరాల్లో అల్లిన జవుళి ఇది...
A muse అనుభూతి చేసే ruse -
ఇందులో స్మృతులూ, నివాళులూ
విసుర్లూ, కసుర్లూ, జీమూతపు గుబుర్లూ
ఎన్నో.... ఎన్నో.....
ఓ జీవితకాలపు అనుభూతుల్ని
అంతే సరసంగా, ఉదారంగా పంచుకుంటారని......

- గొల్లపూడి మారుతీరావు