యువ ప్రస్థానం

మంత్రం నుండి యంత్రం వైపు
చీకటి నుండి వెలుతురు వైపు
స్వప్నం నుండి సత్యం వైపు
సమరం నుండి శాంతి వైపు
నిత్యం జరిగే మానవ ప్రయాణానికి
సాక్షిని నేనే
సత్యం జరిపే యుద్ధం నేనే

కాలం చెల్లిన ప్రతి సిద్ధాంతం
దోపిడీ చేసే ప్రతి ధన దాహం
లోక పరివర్తన ఆపే మానవ మదం
దాహం చేసే హృదయ గాయంను
చీల్చి చెండాడే
నవ యుగ సుప్రభాతం నేనే

ఉప్పొంగి పొంగే ఉష్ణ రుధిరం
వేవేల ఆలోచనల సంగమ స్థలం
ఉక్కులు తుక్కుచేయు పిడికిలి బలం
నేనే వీటికి స్థావరం

నాది మరో ప్రపంచపు కర్మాగారం
నవ జాతి కలల ప్రదర్శనా స్థలం

నాది 21వ శతాబ్దం
కోటి కేర్మెల విజయ ప్రస్థానం

ఇది నా యువ ప్రస్థానం
ఇది యువ స్వర భాస్వరం