మనిషి జీవితమే ఒక సంగ్రామం. వున్నదాంతో తృప్తి కలగకపోవడం, లేనిదానికోసం ప్రాకులాడటమే జీవన పోరాటం. ఆ సంగ్రామంలో గెలుపు ఓటమిలను చవిజూస్తూ, తప్పులు చేస్తూ మళ్ళీ వాటిని సరిదిద్దుకుంటూ ఆఖరికి అసువులు బాయటమే జీవిత పరమావధి. ఇందులో డబ్బుదే ప్రధాన పాత్ర కాదు. అన్నీ వున్న వాడికి కూడా తనకే తెలియని ఏదో అసంతృప్తి, జీవితం మీద విరక్తి కలగటం స్వయంకృతమే. ఇలాంటి ఒక వ్యక్తి జీవితమే ఈ కథ.