జీవితమంటే
సమాధానం లేని
ప్రశ్నవుతున్నప్పుడు
తడారని జవాబుకోసం
సామూహిక స్వప్నాన్ని
కలగనాల్సి వస్తుంది
ఒకానొక సందిగ్దావస్థ నుండి
దారి మళ్ళిన గొర్రెపిల్లకు
సానుభూతి కాక
సమాధానమే సంతృప్తినిస్తుంది
అవును ఇప్పుడు
ఎంతకీ ఆగని పాటై
దేశాన్ని చుట్టి వస్తున్న
ప్రజాస్వామిక నినాదం
'వర్గీకరణం'
చేజారిన మెతుకల కోసం
వెతుకులాట మొదలైంది
పోగొట్టుకున్న ప్లేస్‌ నుండే
జారిపోతున్న ఆత్మకోసం
ఆత్మ స్త్థెర్యంతో మరోమారు
బతుకు పోరు
కంపు కాలిన పోరు
బక్క చిక్కిన దేహాల్తో
భరోసాగానే....