“చనిపోయేటప్పుడు ఈ మనుష్యుల భుజాల మీంచే పోతావు నీ అంతిమ విశ్రాంతి కోసం
నీ చితి చుట్టూ చేరిన మనుష్యుల కళ్ళ నీళ్ళ లోనే మెదులుతూ వుంటావ్
ఆ మనుషుల జ్ఞాపకాల కళ్ళ నీళ్ళ లోనే కదులుతూ వుంటావ్"

~ త్రిపుర

“త్రిపుర అంటే కధలు, కవితలు, ఉత్తరాలు; త్రిపుర అంటే ప్రేమ, కోపం, మోహం
త్రిపుర అంటే అసామాన్య సామాన్యం, త్రిపుర అంటే విలక్షణత్వం
త్రిపుర అంటే వెన్నతత్వం; త్రిపుర అంటే వెన్నెలత్వం"

~ అత్తలూరి నరసింహరావు

* * *

“జాలి, ప్రేమ, ఆర్ద్రత నిండిన మూర్తి త్రిపుర గారు"

~ భమిడిపాటి జగన్నాథ రావు

* * *

"ఒక బుచ్చిబాబో, ఒక తిలక్కో,  ఒక మోహన్ ప్రసాదో,  ఒక అజంతానో, ఒక నగ్నమునో చెప్పే రకం కవిత్వం  త్రిపుర గారి కధలన్నిట్లొనూ కనబడే జీవనాడి"

~ భరాగో

* * *

“ ఆధునిక తెలుగు కవిత్వంలో ఇస్మాయిల్ లాగా, త్రిపుర కూడా ఒక 'కల్ట్ ఫిగర్'.
తెలుగు సాహిత్యానికి నిజమైన ఆధునికతను పరిచయం చేసిన
శ్రీశ్రీ, పఠాభి, బైరాగి, అజంతా, మోహన్ ప్రసాద్‌ల కోవకు చెందిన రచయిత"

~ వాడ్రేవు చినవీరభద్రుడు

* * *

“శైలీ-శిల్పం కథా కథన రీత్యా త్రిపుర ఒక అరుదైన రచయిత.”

~ నిఖిలేశ్వర్

* * *

“తన వెదుకులాటలో జిడ్డు కృష్ణమూర్తి నుంచి, మార్క్సిజం నుంచి జెన్ బుద్దిజం దాకా అవలోకితేశ్వర ధ్యానం తో దర్శించ ప్రయత్నించారు త్రిపుర"

~ రామతీర్ధ

* * *

“మన అలజడి, అశాంతి, ఆవేదన, ఆకాంక్షల బావిలోంచి బయటికి లాగి కొండ అంచున నిలబెట్టి దిగువ అగాధాన్నీ, పైన అనంతాన్నీ చూపించి మన వస్తు ప్రపంచాన్ని ముక్కలు చేసి వదులుతాడు త్రిపుర"

~ తల్లావజ్జుల పతంజలి శాస్త్రి

* * *

“కొద్దిపాటి సన్నిహితులు త్రిపురలోని అపురూపమైన ప్రజ్ఞను, తత్వాన్ని, కరుణను, హ్యూమర్ ను, నైసర్గికమైన వినయాన్ని చూడగలుగుతున్నారు.  త్రిపుర కధలు ఆయన ప్రజ్ఞ లోతులకి చిన్నపాటి మచ్చుతునకల్లా ఉండి త్రిపురగారే ఉండగా అవెందుకులే అనిపిస్తాయి"

~ కనకప్రసాద్

* * *

"కీర్తికి దగ్గర కావడమంటే శాంతికి దూరం కావడమని తెలిసిన ఈ ఏకాంతుడు తన 84 ఏళ్ల క్షణ క్షణ ప్రయాణంలో వొదిలిన 15 పాద ముద్రలు... త్రిపుర కధలు"

~ రమణజీవి

* * *

గమనిక: "త్రిపుర - ఓ జ్ఞాపకం" ఈబుక్ సైజు13 mb