"తక్కువేమి మనకూ.. " కథానికా సంపుటికి ప్రఖ్యాత రచయిత శ్రీ పోరంకి దక్షిణామూర్తిగారు వ్రాసిన ముందుమాటలోని కొన్ని వాక్యాలు....

"రాస్తే ఇలాటి విషయాన్ని ఎంచుకోవాలి; ఇలాటి విధానంలో కథ నడపాలి; ఈవిధంగా కథ ముగించాలి,’ అనిపించేటట్టు - అని అందరికీ చెప్పాలనిపించేటట్టు ఉండటం ఏ రచయితకయినా ప్రతిష్ఠాకరమే. ఆ ప్రతిష్ఠ ఈ రచయిత్రికి ఇప్పటికే వచ్చిందన్నది తాత్పర్యం.
......
ఇందులో కథానికలన్నీ వ్యక్తులనూ, సమాజాన్నీ, పరమార్ధాన్నీ అవగాహన చేసుకోవడానికీ, మానవత్వపు విలువలను ఆదరించడానికీ, పెంచడానికీ చక్కగా ఉపకరించేవి. మంచి సాహిత్యాన్ని కోరేవాళ్ళకు ఇంతకంటె ఏం కావాలి?
చొక్కపు బంగారపు చిక్కని నగిషీ నగలివి!"