తెలుగు జాతి మనది - నిండుగ వెలుగు జాతి మనది
తెలంగాణ మనది - రాయలసీమ మనది
సర్కారు మనది - నెల్లూరు మనది
అన్నీ కలసిన తెలుగునాడు - మనదే మనదే మనదేరా

ప్రాంతాలు వేరైనా - మన అంతరంగ మొకటే నన్నా
యాసలు వేరుగవున్నా - మన భాష తెలుగు భాసన్నా
వచ్చిండన్నా వచ్చాడన్నా - వరాల తెలుగు ఒకటేనన్నా

మహాభారతం పుట్టింది రాణ్మమాహేంద్రవరంలో
భాగవతం వెలిసింది ఏకశిలా నగరంలో
ఈ రెంటిలోన ఏదికాదన్న - ఇన్నాళ్ళ సంస్కృతీ నిండు సున్న

పోచంపాడు ఎవరిది? నాగార్జున సాగర మెవరిది?
మూడు కొండ్రలూ కలిసి దున్నిన ముక్కారు పంటలు బండ్లకెత్తిన
అన్నపూర్ణమ్మ కన్నబిడ్డలా కోట్ల తెలుగువారిది.

- సినారె

* * *

"కోట్లాది ప్రజలమూల్గులు పీల్చితివో ఓ నిజాము పిశాచమా!
కానరాడు నిన్ను బోలిన రాజు మాకెన్నడేని
తీగలను తెంపి, అగ్నిలో దింపినావు
నా తెలంగాణ కోటి రత్నాల వీణ"

- దాశరథి

* * *

'ఆంధ్రులు క్రీస్తుశకమునకు ముందే హిందూ దేశమునకు పాలకులుగా ఉన్నారు. - జాతి మత, కులబేధములతో పెనగొనక జాతీయాభివృద్ధికై ముందడుగు వేయుటలో ఆంధ్రులు అందరినీ మించిన వారగుచున్నారు'

- జనవరి 1936లో రహబరెదకన్, మన్నూర్, సబహెదకన్, పయామ్: ఉర్దూ ముస్లిం పత్రికల అభిభాషణ: ఆంధ్రపితామహ మాడపాటి 'తెలంగాణా ఆంధ్రోద్యమం' గ్రంథంలో ఉదాహృతం.