మనం రోజూ త్రాగే టీ పై పద్య శతకం

***

అస్సామున సింగ్పో తెగ
నిస్సందేహముగఁ ద్రాగు నినుఁ జూడగనే
బ్రూస్సోదర ద్వయము గని
యస్సీ ! చైనాకు పోటీ యనుకొంటిరి టీ !

***

తెలవారినఁ బడక దిగక
నలివేణియు నిచ్చు నిన్ను నాత్రత చేతన్
బలుదోమక త్రాగునపుడుఁ
జెలరేగును పాచికంపు ఛీ ! యనవా టీ !

***

కలవారు లేనివారని
దలతువ ? యలరింతువీవు ధాత్రీ జనులం
బొలతులఁ, బురుషులఁ, బిల్లల,
కులమత బేధములు లేని కోణంగివి టీ!