దర్శక దిగ్గజానికి అక్షర నివాళి
దర్సకరత్న దాసరి నారాయణరావు గారు ప్రధానపాత్రగా వరుసగా సినిమాలు వస్తున్న సమయంలో సినిమా కోసం అనుకుని రాసిన నవల ఇది.పర్వతాలు పానకాలు సినిమా జరుగుతున్నప్పుడు దాసరిగారితో ఈ సబ్జెక్టు గురించి చర్చించడం కూడా జరిగింది."అనివార్య సినిమా కారణాల" వల్ల ఈ నవల నవలగానే మిగిలిపోయింది.
ఒకనాటి డిటెక్టివ్ నవలా వైభవం ఇందులో కనిపిస్తుంది.సరదాగా చదివిస్తూనే సీరియస్ గా ఆలోచింపజేస్తుంది.
ప్రతీ సంఘటన ఉత్కంఠభరితంగా ఉంటుంది.ప్రేమ దేశభక్తి త్యాగం హాస్యం ఇలా ఎన్నో భావోద్వేగాలు టార్గెట్ ...789 లో కనిపిస్తాయి..
(బేబీ షామిలీని (అప్పుడు బాలనటి )ఆ సమయంలోనే ఆంధ్రభూమి కోసం ఇంటర్ వ్యూ చేశాను...(చాక్లెట్స్ లంచంగా ఇచ్చి)....
నాకు తెలిసి అప్పట్లో ఇన్ కం టాక్స్ కడుతున్న ఒకే ఒక బాలనటి.)
1992 లో ఆంధ్రభూమిలో ప్రచురించబడిన నవల ఇప్పుడు ద్వితీయ ముద్రణతో మీ ముందుకు వచ్చిది.
యాక్షన్ కామెడీ థ్రిలర్ ఎమోషన్స్ వున్న ఈ సబ్జెక్టు తాలూకు కంటెంట్ ఇప్పటికీ అలానే వుంది.ఉగ్రవాదం,దేశభక్తి,ఎమోషన్స్...ఈ నవలలో ప్లే చేసిన రోల్స్.
ఇప్పటికీ ఈ నవలను సినిమాగా తెరకెక్కించవచ్చు అనిపిస్తుంది.
ఇక కథలోకి వెళ్తే ...
నారాయణ రావు సిబిఐ ఆఫీసర్ ...అతను అరెస్ట్ చేసిన ఉగ్రవాదిని వదిలివేయాలని లేకపోతే హాస్పిటల్ లో పురుడుపోసుకున్న భార్యాబిడ్డలను చంపేస్తామని బెదిరిస్తుంది ఉగ్రవాద సంస్థ.నారాయణ రావు ఉగ్రవాదిని వదిలేందుకు ఒప్పుకోకపోవడంతో హాస్పిటల్ ను పేల్చేస్తారు.ఆ ప్రమాదంలో భార్యాబిడ్డలను కోల్పోతాడు.
కథ ఇరవయ్యేళ్ళ తర్వాత మళ్ళీ పునరావృతం అవుతుంది.ఉగ్రవాదులు దేశంలో విధ్వంసం సృష్టించేందుకు పన్నాగం పండుతారు సిబిఐ చీఫ్ కు ఈ కేసు అప్పగిస్తుంది ప్రభుత్వం.
ఈ కేసులో కీలకమైన అతి ప్రమాదకరమైన ఓ వ్యక్తిని పట్టుకోవాలి.ఆ వ్యక్తి ఒక మహిళ..డ్రగ్ ఎడిక్ట్...ఉగ్రవాదులకు సంబంధించిన రహస్యాలు తెలిసిన వ్యక్తి.
ఆ అమ్మాయిని ట్రాప్ చేయడానికి సెంటిమెంట్ ను ఆయుధంగా ప్రయోగించాడు..ఈ కేసును డీల్ చేస్తోన్న సిబిఐ చీఫ్.ఆమె తండ్రి తనే అని నమ్మించాడు...ఆమెను ఉరికంభం వైపు నడిపించాడు.
అపుడు తెలిసింది..ఆ అమ్మాయి తన కూతురేనని....ఇరవయ్యేళ్ళ క్రితం బాంబ్ బ్లాస్ట్ లో చనిపోలేదని ..
ఇందులో హీరో పాత్ర (సాకేత్) కామెడీగా కొనసాగుతూనే సీరియస్ గా ఉంటుంది.తరచూ అతను తన వెహికల్ తో మాట్లాడే సన్నివేశాలు సెటైరిగ్గా ఉంటాయి.హీరోయిన్ ను కాపాడ్డానికి ప్రయత్నించే సన్నివేశాలు,అక్షరాలను ఆయుధాలుగా చేసి ఇన్వెస్టిగేటివ్ జర్నలిస్ట్ గా అతను చేసే పోరాటం అతనిలోని హీరోయిజాన్ని ఎలివేట్ చేస్తుంది.