నేను సూర నవలని ఆత్మకధనాత్మక శైలిలో రాయాలని అనుకున్న. నా చుట్టూ అల్లుకున్న జీవితాలు, వలస బత్కులు, బతుకుదెరువు ఊగిసలాట, దళితుల అనిచివేత, కులవృత్తుల ధ్వంసం, సాంఘిక బహిష్కరణ మా జీవితాల్లో నిత్యకృత్యాలే. అలా జీవిత యదార్థ గాదే ఈ నవల పేర్లు, పాత్ర పేర్లు. ప్రాంతం పేరు కల్పితమైనా నా జీవిత సంఘటనల రూపమే ఈ నవల. అంబేద్కర్ ఆలోచనా విధానం, గ్రామాల్లో మార్పు రానంతవరకూ రూపుదాల్చదు. అలా జరగాలంటే కులాంతర వివాహాల ప్రోత్సాహం, కులనిర్మూలన, ఇతర మత స్వీకరణ, తమ అస్థిత్వాన్ని తెలపడం, నిల్పుకోడం, అవాంతరాలెన్నైన ఎదురొడ్డి నిల్వడం ఇదే ఈ నవల సారం. ఐతే దళిత నవలల్లో కనిపించని ఒకే ఒక అంబేద్కర్ ఆశయం కులాంతర వివాహం ఈ నవలలో కనవస్తుంది. ఈ నవలను ఆదరించిన, ఆదరిస్తున్న పాఠకులకు కృతజ్ఞతలు.

కాకతీయ యూనివర్సిటీ వారు వేముల ఎల్లయ్య గారి సిద్ది నవలతో పాటుగా సూర దళిత మాండలీక నవలని ఎం.ఎ. తెలుగులో ఫోర్త్ సెమిస్టర్‌లో సిలబస్‌లో చేర్చడంతో నా ప్రయత్నం వృదా కాలేదనిపించింది.

- భూతం ముత్యాలు