మా 'స్పోకెన్‌ ఇంగ్లీష్‌ కోర్స్‌' లో రెండు లెవెల్స్‌మీరు... బాగా అభ్యసించి మూడవ మెట్టులో కొచ్చారు. అంటే.. ఇది కోర్స్‌ప్రకారం... లెవెల్‌-3 అన్నమాట.

మీరు ఈ అభ్యాస ప్రయత్నంలో ఎంత శ్రమించి ఈ లెవెల్‌కు చేరుకున్నారో గర్వపడకుండా.. గడచిన రెండు లెవెల్స్‌సాధనను బాగా గుర్తుకు తెచ్చుకోవాలి. అప్పుడే మీరు ఈ మెట్టునుండి నాలుగవ మెట్టు ఎక్కడానికి వీలవుతుంది.

మధ్యలోనే విజయగర్వంతో విర్రవీగితే... కాలుజారి వెనక్కి పడిపోయే ప్రమాదం వుంటుంది. విజయాన్ని.. అంటే 'గోల్‌' ను సాధించాలంటే ఏక దృష్టితో.. పట్టుదలతో ముందుకు సాగాలి.

అందువలన గడిచిన రెండు లెవెల్స్‌మిమ్మల్ని ముందుకు నడిపించినవిగా వాటిని గుర్తుంచుకోవాలి... గతంలో అభ్యసించిన రెండు లెవెల్స్‌లో విషయాలను మళ్ళీ ఒకసారి నెమరు వేసుకోవాలి.

ఈ లెవెల్‌-3... భూమికి - స్వర్గానికి 'త్రిశంకుస్వర్గం' వంటిది. చాలా కష్టమైనది. ఇందులో ప్రశ్న - సమాధానాలను ఎలాగా చెప్పాలి అనే విషయాలు మీరు నేర్చుకునే ఇంగ్లీష్‌కు ప్రామాణికంగా వుంటాయి.

గడిచిన రెండు లెవెల్స్‌కన్నా ఇది చాలా కష్టపడిసాధన చేయాల్సిన 'లెవెల్‌'. మీరు నేర్చుకున్న లెవెల్స్‌ను బట్టి ఈ లెవెల్‌లో ప్రవేశించిన మీరు బాగా సాధన చేయాలి.

- పబ్లిషర్స్‌