మహానుభావులు

కొందరి బ్రతుకులు ఉరుకులు పరుగులు
గతుకుల రోడ్డు బరువుల బండి
ఎత్తు ఎక్కేటప్పుడు ఎడ్లు కష్టపడతవి
అప్పుడు కొందరు బండ్లు దిగి
వెనుక నుండి నెడతారు
కొందరు ముందు వుండి లాగుతారు
బ్రతుకు బండి గట్టెక్కించటానికి
నానా శ్రమ పడతారు

ఏ కొందరు మహానుభావులో
అలా హైరాన పడరు
దారి పక్క బండి ఆపి
ఎడ్లను విడుస్తారు
హాయిగా చెట్ల నీడలో విశ్రమించి
చల్లబడ్డాక మళ్లీ ప్రయాణం సాగిస్తారు

ఆడుతూ పాడుతూ
గమ్యం జేరుకుంటారు
అలాంటి వారికి
నా ప్రణతులు