టీవీలు, సినిమాలు, పేస్‌బుక్, వాట్సాప్‌లు, ట్విట్టర్, ఇన్‌స్టాగ్రామ్.. వీటి మధ్యలో కాసింత విరామాన్ని ఇవ్వండి.
మనసుపొరల్లో నిలిచిపోయే కథలకు కేటాయించండి. మిమ్మల్ని భావోద్వేగాలకు గురిచేసే కథలు. రొమాన్స్, కామెడీ, క్రైమ్,అడ్వెంచర్, మానవ సంబంధాలు, జానపద కథ.. కథలు ఏవైనా మనసును కట్టిపడేసే భావోద్వేగాల మ్యాజిక్.
కళ్ళకు మనసుకు మనలోని ఎమోషన్స్‌కు ఆహ్లాదాన్ని అందించే మీకిష్టమైన కథాప్రపంచంలోకి రండి.
కొందరికి మనసారా నవ్వించే కామెడీ కథలు ఇష్టం, మరికొందరికి రసరమ్యంగా సరసమైన కథలు ఇష్టం.
ఇంకొందరికి అడుగడుగునా ఉత్కంఠ కలిగించే క్రైమ్ కథలు, అడ్వెంచర్ కథలు ఇష్టం.
మరికొందరికి భయపడుతూనే చదివించే హారర్ కథలు ఇష్టం. జానపద కథలు చదవాలని కొందరికి ఇష్టం.
మనసును స్పృష్టించే మనసు కథలు మరికొందరికి ఇష్టం.
కళ్ళముందు నిలిచే పాత్రలు కొత్త ప్రపంచాన్ని ఆహ్లాదాల పరిమళాలను అందించే కథాకథనాలు ప్రముఖ రచయిత విజయార్కె గారు ఈనాడు, స్వాతి, సాక్షి, విపుల, ఆంధ్రప్రభ, ఆంధ్రభూమి, లాంటి ప్రముఖ పత్రికల్లో రాసిన "స్మార్ట్ టచ్ @ హార్ట్ టచ్ స్టోరీస్" మీ కోసం.
*ఎన్నో రాత్రుళ్లు కూడా మీ చేతివ్రేళ్ళు నిరంతరాయంగా స్మార్ట్ ఫోన్ స్క్రీన్‌ని టచ్ చేస్తూనే ఉంటాయి... ఎలాంటి ఎమోషన్స్ ఫీలింగ్స్ లేని ఒకానొక చరవాణి మీ జీవితంలో సృష్టించే శూన్యత మీకు అర్థమవుతుందా?ఎమోషన్స్ ఫీలింగ్స్ వున్న మీ భార్యను ఎన్నిసార్లు టచ్ చేస్తున్నారు
భర్తలు చెప్పలేని సమాధానం.. భార్యలకు అర్థం కాని సందేహం... ఈ సందేహానికి సమాధానం... స్మార్ట్ ఆన్సర్ ఏమిటి?
స్మార్ట్ ఫోన్ భూతం ఇచ్చిన వరం ఏమిటి? స్మార్ట్ ఫోన్ కథలో చదవండి.
* నాకు ఇప్పుడు రెండే ఆప్షన్స్ వున్నాయి. ఒకటి మీ కోరిక తీర్చడం, మరొకటి, ఆగి చెప్పింది. ఆమె చెప్పిన సమాధానం ఏమిటి? సంభవామి యుగేయుగే
*నగరంలో సంచలనం, రిటైర్డ్ పోలీస్ అధికారుల అనుమానాస్పద మరణాలు.
ఎందరినో తన పోలీస్ దర్పంతో భయపెట్టిన ఆ రిటైర్డ్ పోలీసు అధికారికి ఒక అజ్ఞాతవ్యక్తి భయాన్ని పరిచయం చేసాడు. తను కనిపించకుండా భయాన్ని చూపించే సాహసం చేసాడు. తీరా ఆ అజ్ఞాతవ్యక్తి కనిపించాక..? మైండ్ గేమ్
* వేనవేల భావాల పరిమళాల మధ్య ఉక్కిరిబిక్కిరి అవుతున్న నా సందేహానికి ఒక చిన్న స్పర్శ సమాధానం అయ్యిందా?
మీరోడి నన్ను గెలిపించారా? నేను మీ చరణాగతిని.. మీ స్మరణాగతిని, మీ గుండెసవ్వడికి ఆకృతిని.. నేను మీ కృతిని... నీలోని నేనే, నాలోని నువ్వు
* అతని బదులు అతను సృష్టించిన మాస్టర్ రోబో డెత్ వ్యాలీకి వెళ్ళింది. అతను తనలాంటి రోబోను సృష్టించాడు. డెస్త్ వ్యాలీ జరిగిన ప్రమాదాన్ని మాస్టర్ రోబో ఎలా ఎదుర్కొంది ? అడ్వెంచర్ @ డెత్ వ్యాలీ
*దేవుడు అతని కోరికను మన్నించి ఇరవై నాలుగు గంటల ముందు అతనికి మరణం గురించి చెప్పాడు.
చాలాకాలం తరువాత భార్యను దగ్గరికి తీసుకున్నాడు.
కాంతిమతికి తను చేసిన అన్యాయం గుర్తుకువచ్చి పిలిపించాడు.
మరణానికి ముందు, మరణ రహస్యం తెలిసాక అతని జీవితం మా...రి...పో...యిం....ది... మరణానికి ముందు
*చైనా నుంచి వచ్చి చచ్చిన కరోనా," తెగబడిన తమ చైనావాడి వక్రబుద్ధి " చూసి కరోనా, బూమరాంగ్‌లా మారింది. దిమ్మతిరిగే షాక్ ఇచ్చింది. ఎత్తైన చైనా గోడమీది నుంచి దొంగలా దూకేసి కాళ్ళూ, నడుం ఎట్సెట్రా విరగ్గొట్టుకున్న కరోనా ముక్కుతూ మూలుగుతూ లేచింది....... చైనా కరోనా
* అది ఫ్యూచర్ టెన్స్‌లోని ఒకానొక రోజు...యాప్స్ అనబడే అప్లికేషన్స్ జనం మీద ఎటాక్ చేసి వారి ఆలోచనలను పిండిమరలా ఆడిస్తోన్న పోయేకాలం... ఆకలేసిన, కాలుబయటపెట్టాలన్నా, ఇంటికి పెయింట్ వేయించాలన్నా వంటికి మసాజ్ చేయించుకోవాలన్నా ఒక్కటేమిటి సర్వ పైత్యాలకు ఒకే ఒక దివ్య ఔషధం మా యాప్.. అని యాపులు విర్రవీగుతోన్న వర్తమానం... ఫ్యూచర్ టె(సె)న్స్ @యాప్స్
*సకల విఘ్నాలు తొలిగించే వినాయకుడు కాసింత విచారంగా కూచున్నాడు. ఆరేళ్ళ ధన్వి వంక చూస్తున్నాడు. ఇద్దరూ ఒకరితో మరొకరు మాట్లాడుకోవడం లేదు. ధన్వి... ఓహో... అదా విషయం
* మనం మన పిల్లలకు కథలు చెబుతున్నామా? నీతికథలు, చిన్నారులలో తెలివిని మరింత పెంపొందించేకథలు, బుద్ధికుశలత తెలియజేసే కథలు పిల్లలకు చెప్పాలి. చదివి వినిపించాలి. వాళ్ళ చేత చదివించాలి...జానపద కథ “మహామంత్రి ఎంపిక “
ఇంకా మరిన్ని బోల్డు బోల్డ్ కథలు.
ప్రముఖ రచయిత విజయార్కె "స్మార్ట్ టచ్ @ హార్ట్ టచ్ స్టోరీస్ "