దరిదాపు ఇది యాభై ఏళ్ళ కవిత్వం.

ఒక రకంగా ఇది సమగ్ర కవితాసంపుటి - మరోరకంగా దీన్ని సమగ్ర కవితా సంపుటి అంటానికీ వీల్లేదు; రాబోయే కవితాసంపుటాల మాటేమిటి అనే ప్రశ్న వస్తుంది కాబట్టి. అయినా ప్రస్తుతానికి ఇదే సమగ్ర కవితాసంపుటి - మూడు భాగాలుగా ప్రచురించబడుతోంది. మొదటి ఐదు కవితా సంపుటాలు మొదటి భాగంగానూ, తర్వాత వచ్చిన ఐదు కవితా సంపుటాలు రెండో భాగంగానూ, చివరి నాలుగు కవితా సంపుటాలు మూడో భాగంగానూ పాఠకుల ముందుకొస్తున్నాయి.

కవీ, అతని కవిత్వం క్రమానుగతంగా - సమాజ పరిణామాల కనుగుణంగా ఎలా మారుతుందో చూడ్డానికీ ఈ సమగ్ర సంపుటి ఉపయోగపడుతుంది.

ఈ మొదటి భాగంలోని కవితా సంపుటులు:
* రక్తం సూర్యుడు
* చర్య
* ఆసుపత్రి గీతం
* నేత్రధనుస్సు
* భారమితి