John M Fritz & George Michell రచించిన Hampi Vijayanagara పుస్తకానికి దశరధ్ గారి స్వేచ్ఛానువాదం ఈ "శిలలపై చెక్కిన కవిత్వం - హంపి".

* * *

హంపి శిధిలమైన స్థితిలో ఉన్నప్పటికీ, ఎంతో ప్రజాకర్షణ కలిగినది కావడం మూలంగా ప్రతి సంవత్సరం వందల వేల మంది యాత్రికులను ఆకర్షిస్తూనే ఉంది. విసిరేసినట్లుగా ఉండే బండరాళ్ళ కొండలు విరివిగా వ్యాపించి ఉన్న హంపి నేపథ్యం నిరుపమానమైనది. హంపిలోని ప్రతి మలుపు ఒక అద్భుతాన్ని ఆవిష్కరిస్తుంది. యాత్రికులకు ఇంపు, సందర్శకులకు సొంపును కలిగించే ఈ హంపిలో కనిపించే ప్రతి శిల్పం / శిధిలం వెనుక కనిపించని కథలు ఎన్నో!

* * *

"ఒకకొండ కొకకొండ ఊపిరాడగనీని
ఉరిత్రాటి యుచ్చులా నొప్పునొకట
ఒకకొండ నొకకొండ యొడిలోన లాలించి
చుబుకంబు నిమురులా చొచ్చునొకట
ఒకకొండ నొకకొండ ఓడించి యెత్తులో
జబ్బలు చరచులా సాగుటనొకట
ఒకకొండ రజు పేరోలగంబున గట్లు
కొలచి యుండినలాగు కుదురు నొకట
కొండలును రాతిబండలు గూడ నిట్లు
మానవుల చేష్టలం దోనమాలు దద్దు
వరవడి గ్రహంపగా జీర్ణవైభవమల
మరచిపోగల్గుదుమె తెల్గు చరితమందు"

- కొడాలి సుబ్బారావు
( "హంపీ క్షేత్రము")