ఉపనిషత్తులు మనకు చిరపరిచితమైనవి. అవి వేదాల చరమ భాగాలుగా పేర్కొనబడుతున్నాయి. లోకంలోని తాత్త్విక చింతనారీతులన్నిటి సమున్నత శిఖరాగ్రాలను ఈ ఉపనిషత్తులు స్పృశించాయి. కాని ఉపనిషత్తులు వేదాలలో ఒక చిన్న భాగం మాత్రమే. ఉపనిషత్తులే కాక మరెన్నో అద్భుతమైన విభాగాలు వేదాలలో ఉన్నాయి. ఇవి కూడా సకల అంశాలలోను ఉపనిషత్తులకు ధీటైనవి - ప్రత్యేకంగా సూక్తాలను పేర్కొనవచ్చు. కొన్ని ముఖ్యమైన సూక్తాలను, వాటితో బాటు కొన్ని మంత్రాలను సంకలనం చేసి తెలుగులో ఈ పుస్తకం విడుదల చేస్తున్నందుకు ఎంతో ఆనందిస్తున్నాం.

వేదాలను నిర్దిష్టంగా లయబద్ధమైన సమస్వరంతో పారాయణ చేయడం మనస్సుకు ప్రశాంతతను ఒనగూర్చే ఒక ఆధ్యాత్మిక సాధన. అలా పారాయణం చేయడానికి అనువుగా స్వరగుర్తులు పొందుపరిచాము.

ఈ వేదమంత్రాలు ఎల్లరి జీవితాలకు శాంతిసౌభాగ్యాలను ప్రసాదించగలవని మేము ఆకాంక్షిస్తున్నాం.

- ప్రకాశకులు