శంకలు వేన వేలు గళ శల్యములై నను బాధపెట్ట, నే
బింకము మాని నిన్ను నెద బిందువుగా నొనరించి మ్రొక్కెదన్
పొంకము తోడ నన్నుగొని పోరిమితోడ పరిష్కరించి, ఈ
సంకులమౌ సమస్యలను సాంతము బాపుము లోకశంకరా!

*****

ఎన్నకు నాదు తప్పులను ఎన్నకు ఒప్పులు కూడ ఏలనన్
ఉన్నవి తప్పులే అసలు ఒప్పులు ఉండగ నేరవయ్యరో
పన్నగ భూష ! సంద్రమున పానము చేసేడు నీరు కల్గునా
యున్నటువంటి వాస్తవము నున్న విధాన గ్రహించు శంకరా!

*****

ఎల్లలు లేవు నా మదికి ఏ దిశ కోరిన యట్లు దా జనున్
కల్లలు కావు మాటలివి గాలిని బోలు, న దెల్ల వేళ, తా
చిల్లరమల్లరౌ పనులు చేయగ జేయుచు చేసె బంటు న
న్నల్లరి మానసం, బదెటు ఆడక నిల్పెదవయ్య శంకరా !