జీవితం

సమస్యలు లేని జీవితం ఉండదు
సమస్య నుండి మరో సమస్యకు
ప్రయాణమే జీవితం

కెరటాలు కాళ్ళ దగ్గరకొస్తున్నాయని
సముద్రాన్ని చులకనగా చూడకు
వ్యక్తి సమానంగా ఉన్నాడని
తక్కువ అంచనా వేయకు

సంతోషం కలిగినప్పుడు
ప్రమాదం సంభవించినప్పుడు
శత్రుభయం చెలరేగినప్పుడు
రాజసభలోనూ,శ్శసానంలోనూ
నీతో ఉన్నవాడే నిజమైన బంధువు

ఇంట్లో, బయటి వ్యవహారాలలో
సానుకూల ధోరణిలో వ్యవహరించు
ఒనగూడెదరు శ్రేయోభిలాషులు
సకల కార్యములు ఒనరును సఖ్యముగా
శత్రువులను పెంచి కార్యముల చెరచు

సృష్టి వెలసెను సత్యం, ప్రేమ, ధర్మములతో
వీటిని పాటించిన వ్యక్తి పూజనీయుడగును

మొదట సత్యంబు పాటించడం కష్టమగును
ఓటమితో కొనసాగిన విశ్వాసము పెరుగు జనులలో

నీమీద విశ్వాసమే జీవితంలో మంచి పెట్టుబడి
హృదయాన్ని నాశనం చేస్తుంది ‘ద్వేషం’
సంస్కారాన్ని ధిక్కరించు ‘దురాశ’
వ్యక్తుల మధ్య అగాధాన్ని సృష్టించు ‘భేదభావం’
కనిపించని సంకెళ్ళు ‘దుర్వ్యసనాలు’
జీవితాన్ని మింగేస్తుంది ‘స్వార్థం’

పంచు ప్రేమను నిరంతరం
పెంచు విశ్వప్రేమికుల సంఖ్య
పసిడి పందిళ్ళలో కళకళలాడుతూ
ప్రతి ఇల్లూ ఆనందాల పొదరిల్లగును.