“కుమారునికంటె కుమార్తె యెట్లు తక్కువ?” ఈ ప్రశ్నకు గణపతిదేవుడు “తక్కువకాదు. ఎక్కువయే’ యన సమాధానమిచ్చెను. కావునే అతడు పుత్రులు లేనందులకు వగవలేదు. రాజులు కుమారుల కెట్టి విద్యనేర్పింతురో గణపతి దేవుడు రుద్రమ్మకు గణపమ్మకు నట్టి విద్యలే నేర్పించెను. ఇరువురును కూడ మంత్రతంత్రములయందు అసాధారణ ప్రజ్ఞ సంపాదించిరి. రణతంత్రమున సైతము అపార పాండిత్యము నార్జించిరి. తండ్రి యనంతరము శివదేవయ్యయే మహామంత్రిగ రాజ్యభారమును వహించి రుద్రమ్మ పట్టాభిషిక్తురాలయ్యెను.