ప్రేరణ: రైనర్ మారియా రిల్కే

సృజన: డా. వెల్చాల కొండల రావు

రైనర్ మారియా రిల్కే రాసిన "ది రోజెస్" (లెస్ రోజెస్) అనే దీర్ఘకవితకి ఇది 'ఛాయ' అన్నారు కవి. అంటే ఇది అనువాదం కాదు; అనుసృజన కాదు, స్వేచ్ఛానువాదం కాదు. ఒక 'ప్రేరణ' అను భావంలో...అంటే స్ఫూర్తి మాత్రం 'రిల్కే' నుండి పొందింది కానీ నిజానికి ఇది వారిదేయని భావించవలసి ఉంటుంది. అచ్చంగా అలాగే ఉంది.

ఇది నలభై భాగల దీర్ఘకవిత. ప్రతి భాగమూ ఒక్కొక్క గులాబీ దళం. దళాలన్నీ భావ స్పందనతో గుబాళిస్తూ ఉంటాయి. ఈ 'రోజా!'ను ఆస్వాదించడమంటే, అడుగడుగునా ఒక " తాజా రోజా"ను చూస్తూ అనుభూతి చెందడమే. మరో విధంగా చెప్పాలంటే రిల్కే గారి రోజా కొండలరావు గారి కళ్ళ ముందు 'కల'గా వ్రాలి వారి చేతిలో 'కళ'గా మారిందని చెప్పాలి.

- అద్దేపల్లి రామమోహన్‍రావు