శ్రీమతి శ్రీవల్లీరాధిక ఆర్ద్ర భావుకత ఈ సంపుటి నిండా పరుచుకుని వుంది. దాన్ని అభివ్యక్తం చేసే కమనీయ శైలి ఈమెకు అలవడింది. ఉదాహరించదగిన పంక్తులు అన్ని కవితల్లో వున్నాయి.

- డా. సి. నారాయణరెడ్డి.

శ్రీమతి శ్రీవల్లీరాధిక అచ్చమైన కవయిత్రి. ఆమె తపనలో తపస్సులో నిజాయితీ వుంది. ఆమె ఆలోచనలో విద్యుల్లత వుంది. ఆమె ఆవేదనలో అభ్రగర్జన వుంది. ఆమె పదాల పోహళింపులో పరిమళం వుంది. ఆమె సౌమ్యతలో సాగర ఘోష వుంది. ఆమెలో మానవత్వం వుంది. ఈ సంపుటి నిండా కవిత్వం వుంది!

- డా. ఆచార్య తిరుమల.

అస్పష్టత లేని అక్షరాల మధ్య తన భావుకతనూ, అభిప్రాయాన్నీ సుస్పష్టంగా చెప్పడం ఈమె ప్రత్యేకత. ఈమె కలంలో స్త్రీ సహజమైన ఆర్ద్రత వుంది. తాడితుల పట్ల ఆవేదన వుంది. అందుకే అక్షరక్షరంలో అమూల్యంగా కనిపించే “అమ్మతనం” – ఈ కవయిత్రి కవిత్వానికి ఆభరణమై భాసిస్తుంది.

- డా. నాగభైరవ కోటేశ్వరరావు.