పూతరేకులు పేరుతో సుధామ వడ్డించిన హస్యపు గుళికలు ఇవి. హాయిగా నవ్విస్తునే చురుక్కుమనిపిస్తాయి. మచ్చుకు కొన్ని:

* * *

''సృష్టిలో తీయనిది స్నేహమేనోయి అన్న మాట బాపురమణల విషయంలో వర్తించదు'' అన్నాడు శ్రీరమణ
''ఏం ఎందుకు?'' ఆశ్చర్యంగా అడిగాడు వరప్రసాద్‌
''స్నేహం'' సినిమా వాళ్లిద్దరూ తీసారుగా నవ్వాడు శ్రీరమణ

* * *

S.M.S - సరదా మాటల శైలి అనే శీర్షిక నుంచి:

"నా సెల్‌ఫోన్‌ ఇన్‌బాక్స్‌లో బోలెడు జోకులున్నాయి. అవన్నీ పంపలేను. చాలా సమయం తీసుకుంటుంది. అందుకని కేవలం ఒక్కజోకు పంపుతున్నా- నువ్వు చాలా అందంగా ఉంటావు."

* * *

''ఓ కాంపౌండ్‌సెంటెన్స్‌ చెప్పు'' అని ఇంటర్వ్యూలో అడిగితే - వెంగళప్ప ''నోటీసులు అంటించరాదు'' అని చెప్పాడు.
''అదేమిటి'' - అని అడిగితే ''కాంపౌండు మీద అలాంటివేగా ఉండేవి'' అన్నాడట.

* * *

ఇలాంటివి ఈ పుస్తకంలో బోలెడు ఉన్నాయి. ఆలస్యం ఎందుకు? చదివి హాయిగా నవ్వుకోండి.