పులి

ఆయన ఆలోచనలు
ఆయుధాల కన్నా పదునైన విత్తనాలు
ఆయన వ్యూహాలు
శతృవుకు అంతుపట్టని కైవారాలు
ఆయన దేహం నిండా
మొనదేలిన అక్షరాలు దాగున్నాయి
సింహాళ ఆధిపత్య పైత్యాన్ని
సింహంలా ఎదిరించిన సూర్యుడు
ట్రింకోమలి అడవి వెన్నెల్లో
ఎదురు నెత్తురు వెదజల్లిన వీరుడు
జాతి విముక్తి కోసం
సమాయత్తంతో పోరాటం నడిపిన వాడు
ఎదురు తిరిగి తిరగబడి
పోరాటాన్ని ముద్దాడిన సూర్యుడు
విముక్తి ఉద్యమాల వేగుచుక్క
ఈలం పోరును ఇలాతలం అంతా
మెప్పించిన మెరుపు తీగ
ఆయన అమరుడు వేళపిళ్ళై ప్రభాకరుడు