ఇది చైనా దేశపు కథ. మింగ్‌ యాంగ్‌ సంపాదకత్వం వహించిన ఈ పుస్తకానికి చిత్రకారుడు ఛన్‌ యుంగ్‌-చన్‌. దీనిని పోలు శేషగిరిరావు తెలుగులోకి అనువదించారు. తేలికపాటి పదాలతో తెలుగులోనూ, ఇంగ్లీషులోను రాయబడిన ఈ కథ పిల్లలకి బాగా నచ్చుతుంది.

ఓ పిల్ల గుర్రం నదిని దాటాల్సివస్తుంది. నది ఎక్కువ లోతుగా ఉందా, తక్కువ లోతుగా ఉందో తెలుసుకోలేకపోతుంది ఆ పిల్ల గుర్రం.

దారిలో ఎదురయిన ఎద్దు, ఉడుత నది లోతు విషయంలో పిల్ల గుర్రానికి ఏం చెప్పాయి?

పిల్ల గుర్రం నది లోతు ఎంతో ఎలా తెలుసుకుంది? ఈ చిన్న కథ చదివితే ఈ ప్రశ్నలకు సమాధానాలు తెలుస్తాయి.

ఇది ప్రతి వ్యక్తిలో దాగి ఉన్న చిన్న పిల్లలను వెలికి తీసే యత్నం. తల్లిదండ్రులు, పెద్దవాళ్ళు కూడా ఇది చదివి వారి బాల్యంలోకి వెళ్ళిన అనుభూతి పొందుతారు.