''రేఖా! ఎక్కడ వున్నావు. పాప ఏడుస్తోంది. ఊరుకోబెట్టు" అంటూ అరిచాడు హాల్లో కూర్చున్న భర్త.

''పాప పడుకుందండి.''

''మరి ఆ శబ్దం ఏమిటి?''

''నేనే.. పాప లేస్తుందని చిన్నగా పాట అందుకున్నాను.''

* * *

సోము : కొత్త రేడియోనా? బాగుంది.

రాము : ఇది జపనీస్‌ రేడియో తెలుసా?

సోము : అయ్యో! నువ్వు వాళ్ళ భాషను ఎలా అర్ధం చేసుకుంటావు?

* * *

భార్య బలవంతం మీద డాక్టర్‌ చెకప్‌కు వెళ్ళాడు విష్ణు.

'డాక్టర్‌ ...నాకు ఈ మధ్య ఏపనీ చేతనవట్లేదు....ఒళ్ళంతా ఏదోలా ఉంటుంది. ..మా ఆవిడ వంటలో సాయం చేయమంటుందా...నాకు చెయ్యబుద్ధి కాదు. తను 'ఈ బిల్లు కట్టు, అవి తే ' అని ఏవో పనులు చెబుతుందా? అవీ చెయ్యట్లేదు. నాకు ఏమైందంటారు?' అడిగాడు విష్ణు.

'మీకు ఏ రోగమూ లేదు... బద్ధకం తప్ప' చెప్పాడు డాక్టర్‌.

'ఆఁ....అదే డాక్టర్‌ దాన్నే వైద్య పరిభాషలో ఏమంటారో చెబితే. ఆ విషయం మా ఆవిడతో చెబుతాను... నన్ను ఇక విసిగించదు.' నెమ్మదిగా అన్నాడు విష్ణు.