"మీరేం చేస్తుంటారు?"

"ఏం చేయనండి. తిని నిద్ర పోతూంటాను. లేస్తే ఆకలి, తింటే నిద్ర"

"వెరీ గుడ్ చాలా డిసిప్లిన్డ్‌గా ఉన్నారు. తినడానికి నిద్రోవడానికి మధ్య గ్యాప్ ఎంతుంటుందండి?"

"ఇంగ్లీషులో నాకు నచ్చని ఒకే ఒక పదం గ్యాపండి. ఒక్కోసారి నిద్రపోతూ తింటాను. తింటూ కూడా నిద్రపోతాను"

"ఉభయచర ప్రాణి అన్నమాట"

"అవునండి మా పూర్వీకులంతా ఇదే చేశారండి. అందుకే వందెకరాలు పోయిందండి. నేను కూడా పద్ధతి తప్పేవాణ్ని కాదండి. అసలు మా ముత్తాత గారే ఈ తిండి నిద్రా థియరీని కనుక్కున్నారండి"

"గ్రేట్ వంశపారంపర్యమన్నమాట. ఆ మహానుభావుడి పేరేంటి"

"ఆంబోతు బుచ్చయ్యండి. మనుషులు కష్టపడి రేయింబవళ్ళు పనిచేసినా ఏదో ఒక రోజు చచ్చిపోవాల్సిందే. తిని నిద్రపోయినా పోకతప్పదు. అందువల్ల బతికినంత కాలం ఎందుకు కష్టపడ్డమనేది ఆయన సిద్ధాంతమండి. మా ఊళ్ళో దీన్నే బుచ్చి వేదాంతం అంటారండి"