సతీష్ ఆ వీధిలోకి అడుగుపెట్టేసరికి...

సరిగ్గా అర్ధరాత్రి పన్నెండు గంటలయింది.

వీధులన్నీ నిర్మానుష్యంగా ఉన్నాయి.

దూరంగా-

అవతల వీధుల్లో ఎక్కడో బీట్‌కానిస్టేబుల్ విజిల్స్ వినిపిస్తున్నాయి. వీధికుక్క ఒకటి సమీపంలో గొంతుచించుకు మొరుగుతోంది.

అంత క్రితమే –

ఓ జల్లు వర్షం పడి వెళ్ళింది.

వీధులు తడిపొడిగా వున్నాయి.

వీధి దీపాల కాంతి తన మీద పడకుండా ....

సాధ్యమైనంతవరకు చీకట్లమాటున నడుస్తూ మరికొంతదూరం ముందుకెళ్ళాడు. ఒక చెట్టు చాటున నిలబడి దృష్టిని ఆ యింటి గేటు వైపు సారించాడు.