దూరపు నీలాచ్ఛాయల్లోనూ, నిర్నిద్రమైన నీలాకాశం కింద కలల అలల మహా సౌందర్య అనుభవ పాఠం 'శాంతినికేతన్'.

చెట్టు నీడ ఏట వాలుగా ప్రసరించే అరుగుపై నిర్మలమైన ప్రేమను, పూర్ణమాధుర్యాన్ని స్మృతులు స్మృతులుగా ఆవిష్కరించుకుంటూ విశ్వగాన జ్ఞానకాంతిని స్వప్నిస్తూ - నివ్వెర పరిచే ఆకుపచ్చలోక ప్రకృతి కాంక్షను, అరుణోదయ ఆకాంక్షను, తేజార్జవంపైన వికసించే పద్మసౌందర్యాన్ని స్మరిస్తూ, స్పృశిస్తూ నిరీక్షించే యాత్రికుడి భావనకు ప్రతీక 'శాంతినికేతన్'.