నవ్వు, నవ్వించు...

జోక్స్‌, కొంటె ప్రశ్నలు - చిలిపి జవాబులు, పొడుపు కథలు

చాలామంది పిల్లలు రాసి పంపించిన ఈ జోకుల్ని కొత్తపల్లి పత్రిక వారు ఏ నెలకానెల ప్రచురిస్తూ వచ్చారు. వాటన్నిటి సంకలనం, ఈ పుస్తకం.

* * *

రాజు: నేను ఒక సింహం కాలు, ఏనుగు తొండం, గాడిద ముక్కు విరగొట్టాను.

ఆనంద్‌: వావ్‌! అప్పుడు ఏమైంది?

రాజు: ఏమవుతుంది? షాపులో బొమ్మలు విరగ్గొట్టినందుకు షాపతను బాగా కొట్టాడు. ఇప్పటివరకు ఆ నొప్పి తగ్గలేదు...!

* * *

డాక్టరుగారి అబ్బాయి రాము: ఒరేయ్‌ రాజు, మా నాన్న అమెరికా నుండి నిజాలు చెప్పించే మాత్రలు తెప్పించారురా.

రాజు: ఏదిరా, నాకొకటివ్వు?

రాము: ఇదిగో తిను...

రాజు: ఒరేయ్‌, ఇది హజ్మోలారా...

రాము: చూశావా, నువ్వు అప్పుడే నిజం చెప్పేశావు.

* * *

వార్తలు వినే అలవాటున్న టీచరు, క్లాసు ముగించే ముందు ఏమంటుంది?

ముఖ్యాంశాలు మరోసారి!

* * *

ఎండమావి అంటే ఏంటి?

ఎండలో ఉన్న మామిడి చెట్టు!

* * *

ఇంద్రధనస్సులో చివరిది ఏది?

''స్సు''!