కథా రచయితగా ఆంధ్రదేశానికి చిరపరిచితులైన శ్రీ ఐతా చంద్రయ్య గారి కలం నుంచి జాలువారిన వచన కవితల సంపుటి ఇది. సాహిత్యంలో మూలస్వరాలైన భారత, భాగవత, రామాయణ, వేద పురాణోపనిషద్గీతల మూలాలను స్పృశిస్తూ ఈనాటి సమస్యలకు పరిష్కారం చెప్పే ప్రయత్నమిది.

- డా. రాధాశ్రీ

* * *

నా దృష్టిలో కవికి ప్రతిభతో పాటు, సౌజన్యం అవసరం. మంచిది మంచిగా గుర్తించలేనివాడు కవి కాజాలడు. ఏది పిల్లలకు అవసరమో తెలిసినవాడు తండ్రి అయితే, ఏది సమాజానికి అవసరమో తెలిసినవాడు కవి. ఐతా చంద్రయ్య గారు నిజంగా అలాంటి కవి.

- ఆచార్య మసన చెన్నప్ప