బక్కిరెడ్డి మరణం మొదట ఒక జాలి కబురుగా, ఆ పై క్రమంగా ఒక వీరగాథగా, చివరికి పంచభూతాలు అతనికి అనుగ్రహించిన వరప్రదానంగా ఇదంతా ఒక స్థల పురాణంగా రూపొందడం... ఇది ఒక రైతు మరణ, పునరుత్థానాల గాథ. ఈ కథలో పురాతన ఆసియా కథన సంప్రదాయాన్ని పాటిస్తూ, ఆదిమ జాతుల విశ్వాస ధోరణిలో చెప్పే నేర్పు వల్ల ఇంతదాకా తెలుగు సాహిత్యంలో మనం విని ఉండని అపూర్వ కథనాన్ని ప్రదర్శించారు రచయిత.

- వాడ్రేవు చినవీరభద్రుడు

పురాణగాథకు రచయిత వుండనట్లే, 'మూగవాని పిల్లనగ్రోవి'కి కూడా రచయిత లేడు. Mythsకు Author లేనట్టే ఈ నవలకు కూడా లేడనిపిస్తుంది. తన ఇంటలిజెన్స్‌ను నవల రాయడానికి ధారపోసి, తాను బేలగా మిగిలిపోయి రచయితగా, తన 'ఉనికి'కి ఆనవాళ్లు సైతం లేకుండా చేయడం ద్వారా కేశవరెడ్డి ఈ అపూర్వ విన్యాసాన్ని సాధించారు.

- అంబటి సురేంద్రరాజు