ఇందులో మంత్రాలన్నీ తైత్తిరీయ శాఖకు చెందినవే. ప్రతి మంత్రము ఎక్కడి నుండి గ్రహింపబడినదో తెల్పుటకు, కాండ సంఖ్య, పన్నం సంఖ్య (దీనినే సంస్కృతంలో ప్రపాఠం లేక ప్రశ్న అంటారు) అనువాకం సంఖ్య ఇవ్వబడ్డాయి.

ఈ మంత్రాలను గురుముఖతః ఉపదేశము పొందినవారు స్వయంగా వర్ణదోషాలు, స్వరదోషాలు లేకుండా పారాయణ చేసుకోవచ్చును. అయితే ఏ మంత్రం ఎన్నిసార్లు పారాయణచేయాలి - అనే విషయం ఇంత వరకూ మాకు లభించలేదు. అందుచేత కార్యసిద్ధి అయ్యేంత వరకూ చేసుకోవాలి. మిగిలినవారు పండితుల సహాయంతో పారాయణ చేయించుకోవచ్చును.

మనకు ఫలితం సిద్ధించడం అనే విషయం - మన పూర్వకర్మ ప్రాబల్యం పైన, దానికి మనం చేసిన ప్రతిక్రియ యొక్క తీవ్రతమైన ఆధారపడి ఉంటుంది. మన భక్తి శ్రద్ధలపైన, నిష్ఠపైన కూడా ఆధారపడుతుందన్న విషయాన్ని మనం మరచిపోరాదు. ఈ పుస్తకంలో మంత్ర వాక్యాలతోబాటు, స్వరసంకేతాలు కూడా ఇవ్వబడ్డాయి.

- డా. రేమెళ్ళ అవధానులు