టోనీ మెల్లగా కనులు తెరిచాడు. అదొక చీకటి గది! వారం రోజులుగా తనా గదిలో బంధించబడి వున్నాడు. పొడవాటి చెక్కకు మధ్యలో గుండ్రంగా రంధ్రం వుండేట్లుగా తొలచబడి వుందా చెక్క.

రెండుగా విడిపోయే ఆ చెక్కను టోనీ మెడచుట్టూ బిగించి, రెండు చేతులను చెక్కకు రెండువైపులా వున్న రంధ్రాల్లో దూర్చి బంధించారు.

తల తిప్పడానికి వీల్లేదు. నేలమీద పడుకోవటానికి వీల్లేదు. ఆ గదిలో, నేలమీద ఎటయినా తిరగవచ్చు. నిద్ర
పోవాలనుకుంటే కూర్చుని గోడకు ఆనుకుని నిద్ర పోవాల్సిందే!

టోనీ గెడ్డం బాగా పెరిగిపోవడంతో చికాకుగా వుంది. కనులముందు జరిగింది గుర్తుకొచ్చింది అప్రయత్నంగానే.