కొండవీడు మధ్యయుగంలో ఆంధ్రదేశపు రాజకీయ, సాంస్కృతిక రంగాలలో చక్కని పాత్ర పోషించింది. కొండవీడు రెడ్డిరాజులందరూ సాహిత్యప్రియులు, దానశీలురు. సంస్కృతాంధ్ర భాషలను పోషించారు. శ్రీనాథాది మహాకవులను ఆదరించారు. కొండవీటి సామ్రాజ్యం గురించి నేలటూరి వెంకటరమణయ్య, చిలుకూరి పాపయ్యశాస్త్రి, పోణంగి శ్రీరామఅప్పారావు, నిడుదవోలు వెంకటరావు, మారేమండ రామారావు ప్రభృతులు రాసిన వ్యాసాల సంకలనం కొండవీడు చరిత్ర వ్యాసాలు.