ఆకాంక్ష

ఇప్పుడన్నీ
ఒక్కో గింజా ఏరుకున్నట్టుగా
ఒక చోటకు చేర్చుకోవాలి
ఒక్కో నీటి బొట్టును
మట్టినిండుగా పొదివి పట్టి
భూమ్యాకాశాల మధ్య చిగురు వేయాలి
ఒక్కో మాటనూ పేర్చుకుంటూ
నిప్పుగా మార్చే సూత్రమేదో తెలియాలి
ఒక్కో పదాన్ని ఏర్చి కూర్చి
కాసింత దుఃఖాన్ని నెత్తురునీ
అద్ది పాటగా ప్రవహించాలి
నువ్వూ నేనూ
ఆమె అతడూ
ఈ జెండా ఆకాశమంతా రెపరెపలాడాలి!!

- కుమార్ వర్మ