నిరీక్షణ...

బడి ఈడు పిల్లలందరూ
బడిలో లేనట్లుగానే
కవిత్వ ఈడు పిల్లలందరూ
కేవలం కవిత్వంలోనే లేరు
వాళ్ల స్థలాలు వేరు, కాలాలు వేరు
ఆశ లేదు... ఆస్కారం లేదు
ఫలానారోజు కవిత్వం అంతమవుతుందనే
హామీ కూడా లేదు
1910కి 2010కి వందేళ్ల దూరం
ఈ ఏడాది హేలీ తోకచుక్క కనపడకుండానే
ఎన్నో అనర్థాలు జరిగిపోయాయ్
అయినా కవితా! ఓ కవితా!! అనే
మా కలవరింత
కన్నీళ్ళూ, రక్తమూ కలగలసిన కొత్తటానిక్ కోసం
మరో దశాబ్దమే కాదు
మరో మిలీనియం దాకా నిరీక్షిస్తాం
ఈ సతత హరిత ప్రస్థానాన్ని
ఇలాగే కొనసాగిస్తాం
కవిత్వం జిందాబాద్ అంటూ
నినదిద్దాం!

Preview download free pdf of this Telugu book is available at Kavita 2010